اهلا اهلا بالفتوكات القمرات
نبدا كلامنا بالسلام عليكم و رحمة الله و بركاته
و متنسوش يا حلوات تردو السلام
نورتونى من جديد
و نورتو مطبخ امى المتواضع (بما انى لسه معنديش مطبخ )
النهاردة جيبالكم كام سلطة كدة على الماشى
بعد مبدات اعملهم قولت ايه يا بنت انتى الجبن اللى انتى فيه ده متورى فتوكاتنا القمرات معاكى عملتيهم ازاى
و ياااااارب ياااااااااااارب تعجبكو
نبدا بايييييييه
نبدا باييييييييه
نبدا بالبنجرررررررررر
انا بحبه جدااااااا و بيطلع اكتر من روعه لما اعمله
بس معلش من غير ضرب ولا تهور مصورتش تفاصيله بالظبط لكن هقولهالكو و اوريكو شكله النهائى
بصو يا فتوكة منك ليها
نجيب البنجر او بلاش البنجر سعادة البيه البنجر ليطلع من الحكومة ولا حاجة
و نقطعه الاول كل واحده من النص
و بعدين نمسك كل نص لوحدو و نقطعه بحيق يكون شكله نص دائرة
و بعد منقطع الكمية كلها و دى بتبقى حسب مانتى عاوزة و حسب احتياجك طبعا
بنحطه فى حله على النار و بنحط عليه ماء + معلقتين خل + معلقتين سكر
و نسيبه يغلى يغلى يغلى لحدددددددد ميطرى و يستوى كويس
بعد كدة هنصفيه فى مصفى و لما يبرد نحطه فى علبه فى التلاجة و نطلعه وقت التقديم
مش عاوزة اقولكو روووووعه ازاى
و لو عاوزة تخليه فى التلاجة كذا يوم ممكن تخلي شوية ميا من بتاعه السلق و تحطيها عليه هو فى العلبه هيقعد فتره اطول فى التلاجة من غير مطعمه يغير اوى حاجة تجراله
و ده شكله و هو فى العلبه
و ادى شكله وقت التقديييم
نيجى بقى للوصفه التانية
اللى كلناااااااا بنحبها و نموت فيها
سلطة الكولسلوووووووووووو
المقادير :::
كرنب +جزر+سكر+زبادى +مايونيز+لبن سائل
مش هرغى كتير الصور هتوضح كل حاجة ان شاء الله
نقطع الكرنب شرايح رفيعه خالصصصصصصصص و قصيرة مش طولة بالشكل ده
و نفضل نقطع نقطع نقطع لحد منعمل الكمية كلها
و ادى الكمية كلها لما خلصت
نحطها فى علبه كبيرة او حلة او اى حاجة غويطه شوية علشان نعرف نقلب
نبشر جزرايه او اتنين حسب الكمية اللى عملناها من الكرنب
نحطها بقى فوق الكرنب فى العلبة و نحط السكر و الزبادى و المايونيزو اللبن
بالتقريب كدة و كل واحده تحط حسب الكمية بتاعتها
انا حطيت معلقتين سكر كبار و علبتين زبادى و نص بطرمان المايوونيز و نص كباية لبن
و نقلب كلو كلو مع بعضض كويس جداااا لحد ميبقى شكلو كدة
ننقله فى علبه اصغر شوية و على التلاجة جرىىىىىىى
ووقت التقديم بنحطة فى عدة اطباق او فى سلطانية او فى حاجة حسب متحبى و حسب زوقك
و ده شكل طبق منها
طلعت روعه و جميله و عجبت الكلللللل و اتنسفت طبعا اول سلطة كالعادددددده
نيجة بقى للمايوكاتشببببببب
انا بمووووووووووت فيها
وطعمها بيبقى راااااااائع مع المشويات و السندويتشات
و السر بقى انها هيا هيا بتاعه كوكدوووور اللى بتبقى مع البطاطس الفريسكاس
المايوكاتشب :::::
مايونيز + كاتشب + خيار مخلل
نقطع خيارايه مخلله صغنن صغنن و نحط عليها معلقتين مايونيز كبار و كاتشب تقريبا 5 معالق
و بندوق و نظبط بقى حسب منحب
سهله جدااااااااا و سريعه و بجد طعمها روعععععععه
اوعو حد فيكو يروح كدة ولا كدة
باقى السطات المشاركة اللى جاية علطولللللللل
و ادى الحلة دى سووها عقبال مرجعلكو
فاصللللللللللل و نواصصصصصصصصصل مواضيع هذا القسم برعاية
يا رب اسالك الثبات يا رب اسالك الثبات 341541_2.gif فتكات ست الكل Fatakat 341541 القاهره – مصر