أسعد الله أوقاتكم يافتوكاتى ياحبايبى وحشتونى كلكم وكل سنة وانتم طيبين رمضان قرب ويااااااااارب كلنا نقول " اللهم بلغنا رمضان غير فاقدين ولا مفقودين "
طبعا هههههههههههههه بمناسبه اننا اوزان مش عادية وبقينا بناكل بطريقه مفتريه حبيت أقدملكم وصفات صحيه عشان تبقى رشيقه انتى وهى وهى ومتعانيش من الحموضه لا فى المسا ولا فى الفجرية هههههههههههههه شوفتنى انا شاعره ميه ميه ولا هشام الجخ طبعا
اكيد كنا عاوزين نخس فى وزننا قبل رمضان عشان رمضان بيحب العزومات والحلويات والحبشتكنات يبقى قبل رمضان تعالوا ننزل فى وزننا شويه
طيب مش بعرف اعمل دايت ومش بقدر عليه يبقى نعمل ايه نطبخ اكلنا بطريقه صحيه نقلل الدهون ونستعمل زيت زيتون نجيب جبنه تلاجة
طلوقتى منتجات الدايت متوافرة لبن وزبادى دايت وفيه مايونيز دايت وعيش اسمر او سن او توست بالردة وكمان احلى حاجه اننا الوقت فى ايام فضيلة ممكن نصوم واهو بنعد نفسنا للصيام فى رمضان ربنا يعينا على الطاعه حبيت أشارككم بوصفاتى الصحيه يمكن تعجبكم
نبدأ بسم الله
1 – شاورما باللحم
الاول هنقطع اللحمة شرايح للشاورما ونضيف عليها خل وملح وليمون زبادى ونسيبها فى التتبيله يوم كامل مع اضافه بهارات اللحمة وجوزة الطيب وتانى يوم نطلعاه من التلاجه ونجهز
البصل مقطع حلقات وطماطم وفلفل رومى مقطعين وزيت زيتون طبعا هنجيب طاسه ونحط فيها زيت زيتون وننزل بالبصل وبعدين نحط اللحمة وناخددها مع البصل ونقلب وبعدين نحط الطماطم والفلفل متزوديش مايه ولا اى حاجه اللحمة هتنزل مايتها والزبادى كمان ونسيبهم على النار لحد لما تستوى ممكن تدخليها الفرن تتحمر او تحت الشوايه وممكن تسبيها كدا انتى بقى ظبطى بهاراتك وبالتالى هتبقى خفيفه جدا ولايت واوعى تضيفى اى دهون
وده شكلها النهائى
2 – سلطة سيزر سلاد
انا بحبها جدا فقررت اعملها فى البيت
هتجيبى خس كابوتشى مفيش انا عملتاه بقلب الخس حلوة برضوا وطماطم وهتجيبى توست بالردة وتحمصيه فى الفرن او الميكرويف من غير اى اضافات او زيت حتى هيطلع ناشف معاكى ومش هياخد وقت
التتبيله بقى ملح – خل – زبادى – مايونيز دايت وممكن تحطى نص ملعقه مسطردة لو تحبى انا حطيت بصراحة هحطى كل المكونات وبعدين تحطى التتبيله وفى الاخر هتبشرى جبنه شيدر لايت
https://fbcdn-sphotos-a-a.akamaihd.n…06004629_n.jpg
شكلها النهائى
3 – سلطة كول سلو
اانا استعملت كرنب احمر لانه حلو جدا فى الحرق ومعاها جزر قليل عشان فيه دكاترة بتمنع الجزر فى الدايت
التتبيله بقى مايونيز وملعقه عسل وزبدية هنقلبهم سوا فقط
الشكل النهائى
كلنا بنحب البطاطس المحمرة انا عملت وصفه اقل شويه فى السعرات الحراريه بدل ما نحمرها فى الزيت
4 – بطاطس فى الفرن
هجيب البطاطس ونقطعها صوابع رفيعه ونسقها فى ماء مغلى بالخل والملح
نطلعها نحط عليها زيت زيتون وعلى الشوايه هيطلع لونها دهبى وروعه
شكلها النهائى
شكل السفرة النهائى استنونى المشاركة اللى جايه
انا تعبت جدا والله ياريت تقيموا انتوا مش هتخسروا حاجه قدروا بس اتعب او ادعولى ربنا يرزقنى بالحمل قبل رمضان ويجبر خاطرى[/color][/size][/center] مواضيع هذا القسم برعاية
ag_romeo ag_romeo 395985_2.gif فتكات رائعة Fatakat 395985 بورسعيد – مصر
