بسم الله والصلاة والسلام على رسول الله
قاعدة العقل والنفس بتقول
النفس مجبوله على حب والانجذاب ناحية المتعة وكراهية الألم والنفور منه
أى رجيم هتعملوه أياً كان نوعه وأياً كانت طريقته ..
أى رياضه هتمارسوها أياً كانت نوعها او مدى سهولتها ..
فى النهاية الموضوهع بيبقى غصب وألم
ويعتبر محاربة للعقل والنفس اللى كارهه وحاسه بألم من الوضع ده (الرياضة – الرجيم)
وطول ما احنا بنحارب العقل هينصر علينا وهنفشل
وإن حققنا نتائج فى البداية او لمدة معينه
النتيجة الحتمية الفشل والعودة للوراء مهما طالت فترة الإنتصار المؤقت
السبب فى ده ان فكرة الحرمان من الأكل
او فكرة غصب النفس على اكل معين او رياضة معينه
دى فكرة سيئة لانها مربوطة فى العقل الباطن بالألم والمعاناه
والعكس فكرة الأكل والراحه مربوطة عندنا بالمتعه
بالتالى الجسم بيحس بمتعة وإنجذاب وسهولة فى الأكل والكسل
وبالعكس بيحس بصعوبة وألم ونفور من الرجيم والرياضة
فإحنا لازم نغير المعادلة وبرمجة المخ الأول عشان هو المتحكم فى السلوك مش العكس
وبالتالى اللى هيحصل أن المخ هيعكس المعادلة :
العقل بيحس بمتعه فى الرياضه والأكل الصحى
وبيحس بنفور من الأكل الضار والكسل
بالتالى هينعكس على السلوك هتلاقى نفسك بتحسى بنفور من الأكل الضار والكسل
وهتلاقى نفسك بتنجذبى للأكلات الصحية وممارسة الرياضة بسهولة
مارسى تمارين البرمجة اللغوية العصبية
(بزيارة دكاتره متخصصين او بالبحث ع الانترنت)
واقنعى نفسك وغيرى برمجة عقلك الأول
عشان تبقى انت ومخك وشعورك ونفسيتك
ماشيين فى طريق واحد بتناغم مش فى حرب داخلية
عشان نظامك يبقى اسلوب حياة مش مجرد فترة مؤقته وترجعى تانى
helper helper 300991_1.gif فتكات متميزة Fatakat 300991 cairo – Egypt