السلام عليكم ورحمه الله وبركاته
ازيكوا عاملين ايه
انا النهارده هاغديكوا سمك وكابوريا
طبعا انا كنت فاشله اوووووووووووى فى موضوع الكابوريا ده ومابعملهاش
عشان بخاف منها
المهم جوزى قالى ان نفسه فيها
فاخدت شنطتى زى الشطوره وروحت السوق اجبها
لاقيت ايه بقاا
لكابوريا اللى بخاف منها
والراجل بتاع السمك قالى قصتها من الاول خالص وايه هى القصه بقا
1 لما تشتريها تشترى اللى حجمها وسط وبطنها كبيره
2 ويكون شكل السبعه اللى فى بطنها طويل عشان ديه تبقى انثى وهى اللى فيها لحمه اكتر من الذكر
زى كده بس انا كنت مستعجله وشلت حته العظمه اللى فى النص ديه وها قولكوا ليه
3 وطبعا ليه بقا بنشيل ديه
هاااااااااااا ايوه عشان الظفاره والراجل هو اللى قالى كده وفعلا كلامه صح
العظمه ديه تحتها زى اغشيه كده بتتشال
بس يا حلوين ونغسلها بالميه كويس
وهنا بقا المفيد
4 قالى المهم فى الخلطه بقا وايه هى
بصلتين و5 فص توم وطماطمتين واتنين فلفل احمر واخضر والتوابل بتاعتنا
ملح فلفل بهارات كمون بس مش اكتر
وكله على بعضه فى الكبه ونفرمها
وننزل بيهم على الكابوريا فى صنيه زى كده
حلو الكلام
حححححححححححلو
6 وننزل بكوب ماء كبير ونسبها ع النار حولى15 دقيقه مش اكتر عاشان هى ما بتستحملش خالص
وهاتشرب حوالى نص الميه مش اكتر من كده ونطفى
وده شكلها بعد ما استوت
وطبعا لونها بيبقى برتقالى تحفه
وفعلا طعمها كمان
وانا ما باكلهاش ولكن لما عملتها كده كلتها والله
والله دعيت للراجل ع المعلومات ديه
وقولت افيدكواوعلى فكره الكيلو بعشرين جنيه
واللى مش هاتقيمى يارب الكابوريا تعضها
عشان انا ابنى جننى على ما عملت الموضوع
ويارب اكون افدتكوا
كله يقييييييييييييييم
مواضيع هذا القسم برعاية
osha_ahmed osha_ahmed 144507_1.gif فتكات متميزة Fatakat 144507 القاهرة – ام الدنيا مصر