[b][color="#8B0000"][size="6"][b][color="#8B0000"][size="6"]
السلام عليكم و رحمة الله و بركاته
كل سنة و انتم طيبين يا حبيباتى بمناسبة اجازة نص السنة
طبعا احنا بنستنى الاجازة علشان نعمل فيها اعياد ميلاد الاولاد و انا لقيتها فرصة انى اوريكم ازاى نقدم الساندويتشات و المقالى و المحشى فى الحفلات و لو عجبكم الموضوع حانزل الجزء التانى بتاع الحلويات
اهم حاجة هنا اننا نعرف ان الاولاد بتحب تدوق من كل حاجة بس مش بيقدروا ياكلو كمية كبيرة علشان كده لازم نراعى اننا نقدم الحاجات بحجم صغير علشان مش يقطموا من الحاجة و يسيبوا باقيتها تترمى طبعا حرااااام فاعلشان كده حانقدم الحاجات دى بكمية قليلة فى سيخ الشيش طاووق و بطريقة جذابة و حلوة تبهر الاطفال
انا هنا حاطة الاصناف اللى اولادى بتحبها ممكن كل واحدة تعمل الاصناف المتاحة عندها و اللى اولادها بتحبها انا بس بدبكم الفكرة و انتم غيروا فيها حسب اللى عندكم
يلا بقى نبداء بسم الله الرحمن الرحيم
دى صورة الاغراء بتاعة كل مرة
انتى طبعا تضاعفى الكمية فى الحفلات على حسب العدد انا عملت كمية قليلة علشان كان عندى شوية ناس قليلة
عندنا ساندويتشات جبنة و سوسيس و هامبرجر
محشى ورق عنب / بطاطس بيوريه
سمبوسك / سبرينج رولز / مينى كبيبة
مقادير حفلتنا
محشى ورق عنب مستوى / كبيبة / سبرينج رولز / مينى كبيبة / لحمة متعصجة
جبنة فيتا / عيش توست ابيض و بنى / الوان طعام جبنة شيدر /تونة
هامبورجر او كفتة / سوسيس / جبنة رومى / بطاطس مسلوقة
للتقديم :
كرنبة سلطة متوسطة الحجم / بتنجانة رومى كبيرة / طماطم كبيرة / جزر كبير / خلة اسنان / اسياخ شيش طاووق
نبتدى بقى يا قمرات واحدة واحدة
الاول نعمل البطاطس البيوريه :
بنسلق البطاطس و نهرسها و نتبلها [ ملح و كمون و ليمون و توم و شوية زيت قليل ] و نعملها كور صغيرة و ندحرجها على جزر مبشور رفيع و بقدونس مفروم ناعم و ممكن كمان كمون و سماق و نغرز فيها خلة الاسنان
بنجيب الجبنة الفيتا و نهرسها مع الالوان اللى عندنا
نشيل حروف التوست و نفرده بالنشابة و ندهنه بالجبنة الملونة [ ممكن نلزق توستتين مع بعض ]
و نلفه زى االسويسرول و نقطعه و نشبك فيه خلة الاسنان
ساندوتشات الهمبورجر و السوسيس و الجبنة بعجينتى و ده اللينك بتاعها
https://fatakat.univanet.com/#4436718
بعمل العجينة و اسيبها تخمر و افردها سميكة شوية و اقطعها بقطاعة مدورة صغيرة و ادهن وشها بيض و لبن و ارش عليه سمسم و سماق و زعتر و حبة البركة و ادخلهم الفرن و لما يستوى اسيبه يبرد
و اجيب همبورجر و اقطعه بنفس القطاعة بتاعة العيش علشان يبقى نفس الحجم و احمره [ انا جبته جاهز ] ممكن تعمليه انتى و ممكن تعملى كفتة على اد حجم العيش و تحمريها و تحمرى السوسيس
و تحشى الساندويتشات و ممكن تحطى كاتشب او مايونيز او مسطردة و كمان تحشيه السوسيس المخرط صغير و ممكن جبنة رومى و جبنة بيضاءا و تونة [ الحشو حسب اللى عندك و اللى اولادك بيحبوه ] و تغرزى فى قاعدته خلة اسنان
بتجيبى العيش التوست الابيض و البنى و تقطعيهم بقطاعة مدورة او مربعة صغيرة و بنفس القطاعة تقطعى جبنة شيدر ابيض و اصفر و لانشون و تشبكيهم فى خلة الاسنان بالترتيب يعنى واحدة توست و واحدة جبنة و توست و واحدة لانشون و توست و واحدة جبنة لون تانى
طريقة الكوبيبة :
1/2 كيلو برغل / من 1/4 ل 1/3 كيلو لحمة مفرومة / 1 بصلة كبيرة / ملح / فلفل / قرفة / كمون / 1/2 كيلو لحمة مفرومة متعصجة ببصل كتير للحشو
بتنقعى البرغل فى ميه كتير لحد ما يتشرب ميته حوالى ساعة و تصفيه و تضغطى عليه فى المصفاة لحد ما ينزل ميته و تسيبيه فى التلاجة ساعة لحد ما يتماسك و تخلطيه مع اللحمة و البصل و البهارات و تفرميه مرتين لحد ما ينعم و تسيبى العجينة بتاعة الكبيبة فى التلاجة ساعة لحد ما تتماسك و تشكليها بالحجم الصغير و انتى داهنة ايدك زيت او ميه علشان مش تلزق فى ايديكى و تحشيها و تسيبيها برضه فى التلاجة ساعة تانية و بعدين تقليها
السمبوسك :
3 كوب دقيق / 1/2 كوب زيت [ ممكن 1/2 كوب زبدة ] / 1 كوب ماء دافئ [ او حسب الدقيق ] 1معلقة ملح
بنعجن كله مع بعض و نسيبها ترتاح ساعة و نفردها و نقطعها بقطاعة مدورة و نحشيها جبنة او لحمة معصجة او اللى تحبيه و نقليها
السبرينج رولز :
ده عجينته جاهزة بس بتتحشى و تتلف و تتلزق بميه و دقيق علشان مش تفك
كل دول بيتقليوا فى زيت غزير ] و نبتدى بقى نقلى الكبيبة و السمبوسك و السبرينج رولز و نشبكهم فى اسياخ الشيش طاووق بالترتيب حسب كل طفل ممكن ياكل ايه ؟
[SIZE="6"
يعنى واحدة محشى ورق عنب و بعديها سمبوسكة و بعديها كبيبة و بعدين سبرينج رولز
و نعمل بقى الاستاند اللى حانغرز فية الاسياخ :
بنجيب كرنبة و نقطع حتة صغيرة من قاعدتها علشان تبقى ثابتة
و نغرز فيها 2 خلة اسنان مكان العينين و نركب فيها شريحتين فجل احمر و حتة زيتون اسود
و نركب واحدة خلة اسنان مكان المناخير و نشبك فيها حتة فلفل رومى طويلة و 2 خلة مكان الفم و نشبك فيهم شريحة طويلة فلفل احمر و مكان الودان نشبك 2 خلة و نغرز فيها قطع عريضة من الفجل و نحط شوية بقدونس مكان الشعر و نبتدى نغرز فيها اسياخ المقالى اللى عملناها
نبتدى بقى نرص ترابيزة الحفلة :
بنجيب طمطماية كبيرة و جزرة و بتنجانة كبيرة و نقطع جزء من قاعدتهم علشان يبقوا ثابتين و نبتدى نغرز فيهم الساندويتشات و كمان الكرنبة
نيجى بقى لطريقة تقديم اكواب العصير فى الحفلة بطريقة جذابة تغرى الاولاد انهم يشربوا عصير مش بيبسى لانها مضر طبعا للاولاد
ده شكل الكوبيات
بنجيب شوية عسل من بتاع الكنافة و يكون تقيل شوية و نقسمه على حسب الالوان اللى عندى
و نبل بيه حروف الكوب بس مش كتير و نغطس الكوب بعد كده فى شوية سكر فى سلطانية تانية و حايكون عندنا حروف كوبيات عليها سكر ملون الصور حاتشرح اكتر
و بيبقى شكلهم كده و لما يتملوا عصير بنقدم معاهم شاليمو
و نتفرج بقى على الحفلة من كل الزوايا ههههههههه
ايه رايكم بقى يا حبايبى الحلوييييييين ؟؟؟؟؟؟؟؟
لو قلتولى عجبكم حانزل لكم حفلة الحلويات
انما لو مش عجبتكم خلاص حانزل لكم بدلها المسقعة بالكفتة ههههههههههههههه
حلو بقى بقكم الحلو بالتارت الجميل ده [ تارت الشيكولاتة البيضاء و الموز ]
مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر