السلام عليكم ورحمة الله وبركاته
ازيكم يا فتوكاتى انا اول مره اكتب فى القسم ده ودخلت هنا عشان انتو حبايبى واخواتى وانا للاسف معنديش اخوات ومامتى مش معايا قولت اما اسالكم وان شاء الله تقدرو تفيدونى
بصوا يا بنات انا اول مره احمل ومكنتش عارفه وكنت بتعامل عادى يعنى بركب موصلات وسلالم واشيل حاجات تقيله بس ابتديت احسه بدوخه وغممان نفس وترجيع وكل كيانى مقلوب انا قبل كده عملت التيست بتاع البيت بس طلع مفيش حمل فقولت بعد كده انا مش هسبق الاحداث المرادى تعبت اوى وبعدين دورتى اسفه فى اللفظ اتاخرت وهى اساسا مظبوطة انا قولت يمكن اللخبطة دى بسبب كدهو بعدين تعبت اوى وكنت باخد ادويه كتيره جدا مضدات حيويه ومسكنات روحت عملت تحليل حمل طلع فى حمل بس معرفتش قد ايه لانى ملحقتش بعدها بيومين وبعد ما اخدت علاجى حسيت بمغص جامد وضهرى وجعنى ونزلت دم كتير بس ده كان فى اول يوم وعرفت كده ان الحمل نزل الحمد لله على كل شىء الكلام ده كان يوم 25 تقريبا ومن يومها كل يوم فى دم بينزل بس نقط بس كل يوم لحد النهرده ولما سالت جوزى قالى ان ده دم استحاضه مش حرام الجماع فيه وجامعنى مره وحده بس وانا تعبت ومن يومها مقربليش تانى بس انا تعبانه اوى وصحتى فى النازل وعلى طول حاسه انى مرهقه جدا ومصدعه على طول وتقريبا نفس اعراض الحمل موجود هو ممكن يكون البيبى لسه موجود ؟ او ممكن يكون حصل حمل جديد ؟ انا جوزى حاليا مسافر ومش هقدر اروح لدكتوره لوحدى عشان كده انا دخلت اسالكم لانى بجد معرفش اى حاجة عن الكلام ده ومش عايزة اقلق ماما عليا فمحبتش انى احكيلها اى حاجة من فضلكم ردوا عليا وفهموىنى الى انا فيه ده ايه واسفه اوى انى طولت عليكم وجزاكم الله كل خير وربنا يرزقكم بالذريه الصالحه يارب
فى حفظ الله
فتوكة جديده ام انس ومالك فتوكة جديده ام انس ومالك images/flowersavatars/avatar0001.jpg سوبر فتكات Fatakat 562155 الاسكندريه – مصر