السلام عليكم فتوكتات
كنت عايزة اسالكم لو حد فيكم جرب اى دكتور استشارى فى مستشفى عين شمس التخصصى نساءو توليد
و استريح معاه
لان جارتى حامل وحالتها معقدة شوية و الدكتورة قالتلها ان ما ينفعش تولد فى اى مستشفى خاص لانها مش مجهزة لحالتها لو لقدر الله حصلها حاجة ليها او للبيبى اثناء الولادة
وان المكان المناسب ليها هوة مستشفى عين شمس التخصصى وللاسف الدكتورة بتاعتها مش فية ومش قايللها على حد معين بس قالتلها
لازم تولدى على يد استشارى كبير لان حالتها مش سهلة
هية دلوقتى عايزة تعرف اسامى الدكاترة الاستشاريين فى عين شمس التخصصى و لو حد جرب التعامل معاهم سواء اطباء او طبيبات
سؤال كمان
اختلفنا فية انا وجارتى لان الدكتورة قالتلها استشارى جراحة نساء وتوليد وكان الاختلاف على
ان اى دكتور نساء بيقوم بالعملية و لا جراحة النساء بيبقى دكتور تانى خالص القصد
هل فية اختلاف ما بين
طبيب النساء والتوليد و جراح نساء وتوليد
معلش طولت عليكوا
ويا رب ارزق كل مشتاقة يا رب وقوم كل حامل بالسلامة ان شاء الله
nancy kareem nancy kareem فتكات متميزة Fatakat 59059 ايو ظيى – الامارات