ازيكم يا قمرات وازي البيبهات
ربنا يقومنا كلنا بالسلامه ويرزق كل مشتاق قادر يا كريم…
كتير طلبوا مني ازود لمواليد الشتا وانا كمان المره دي ان شاء الله هولد في الشتا..في حاجات في الموضوع الاولاني طبعا اساسيه احنا بس هنزود الحاجات الشتوي…
وده لينك الموضوع الاولاني
https://fatakat.univanet.com/#1901750
بالنسبه للغيارات هتجيبوا عادي ال 6 الكت نفسهم يتوع الصيف..ونجيب 6 بكم برضه اللي بيتقفلوا بكباسين من الجناب وتحت لسهوله الاستعمال…و6 بنطلونات قطن داخلي…
لما نيجي نلبس الفانلات نلبس الكت الاول وبعدين الكم وممكن خلف خلاف عشان نضمن ان الصدر متقفل كويس وبعدين نلبس البنطلون..كده البيبي يبقى متأمن
في السالوبيتات برضه نجيب اللي بكم وفي كمان اللي القدم من تحت مقفله بحيث نضمن التدفيه اكتر..ابعدي عن الخامات الصوف والحاجات الصناعيه لان بشره البيبي حساسه واحسن خليكي في القطنيات التقيله…
مهم جدا نجيب 4 طواقي قطن عشان الراس مهمه اوي في التدفيه…
و2 حلوين للخروج
في قطعه بقى في الشتوي مهمه جدااااااا
الاوفر اول
وهي زي سالويبت مبطن ومقفل من كل حته وبيتقفل بكباسين او سوسته حسب الموديل وبيبقى لازق فيه غطا الراس ومكان للقدمين…ده حلو اوي لما تكوني خارجه تحطي البيبي جواه وتقفلي عليه تضمني ان مافيش ولا فتفوته متعرضه للهوا…
وانا شايفه انه لازم يكون عنده واحد على الاقل
زي اللي في الصور ده
بالنسبه للغطا برضه هتجيبي عادي ال 3 كوفرتات سواء قطن او جيل او نوع تفضليه بس برضه خامات طبيعيه وناعمه..وتجيبي 2 بطانيه اللي بتقفل بكباسين ولحاف اطفال..لو انتي شايلاه عادي او قاعد في البيت يبقى تلفيه الاول بالكوفرته وبعدين البطانيه…لو نايم في سيريه يبقى تغطيه بالكوفرته وبعدين اللحاف بتاعه..
حتى لو بينام في نفس سريرك خليله غطا لوحده اضمن عشان يفضل متغطي كويس…
نجيب غطا البيبرونه الي بيحافظ عليها دافيه وتخليها جواها على طول حتى وهو بيشرب منها عشان ما تبردش بسرعه..
بالنسبه لشنطه المستشفى هنزود للبيبي طبعا الاوفر اول ده عشان وهو خارج بالسلامه مروح البيت والبطانيه بتاعته اللي بتتقفل…
بالنسبه ليكي خدي الجللايب انا بفضل برضه تبعدي عن القطيفه والحاجات دي وخليكي في القطن التقيل والبيسي تحته قميص قطن حمالات ..
مهم اوي تكون فتحه الصدر كبيره يعني 4 او 5 زراير او سوسته طويله عشان الرضاعه تبقى سهله…
مهم اوي تاخدي معاكي روب تقيل عشان لو حبيتي تدفي او تقومي تتمشي شويه..
خدي معاكي شال عشان لو حبيتي تدفي بيه وانتي قاعده….
في انتظار مشاركتكم وارائكم….
magic21 magic21 202494_7.gif فتكات رائعة Fatakat 202494 نص قلبي في الدوحه ونصه التاني في اسكندريه – قطر
