صلوا على النبي اولا انا حامل في السابع يارب يكملى على خير انا وكل الحوامل ويرزق كل مشتاقة انا كنت متابعة حمل مع دكتور محمد حسين طلبه هو دكتور ممتاز بس الولاده بتاعته غاليه عليا فضريت ادور على دكتور كويس مع مستشفى كويسه علما ان ده اول حمل ليا فسمعت عن مستشفى الجزيرة وكانت صاحبتى ولدت فيها وقعدت تشكرلى فيها وفى الممرضات والدكاترة والنظافه ومريحة للاعصاب فقولت لازم اروح اشوف بنفسى روحت هناك وسالت عن احسن دكتور للولاده قالولى احمد الجزار بس ده بيولد الحالات بتاعت العياده بتاعته وكشفه غالى وومكن يكون دورك بعد شهر ولاقيت ان احسن دكتور هناك اسمه وليد محرم هو نائب مدير المستشفى روحت الاول شوفت غرف الولاده لاقيتها نظيفة وحلوة قوى ومكيفة وليها حمام خاص واللي سى دى تقولى فى فندق والناس هناك متعاونين جدااا روحت وكشفت عند دكتور وليد محرم قبل ما ادخله دخلونى غرفه كدا اقيس وزنى وضغطى مع مساعدة الدكتور وبعد كدا دخلتله لاقيته وشه بشوش وقعد معايا كتير وقعد يهزر مع جوزى وماما وبصراحه لاقيته محترم وعملى سونار واتكلم معايا كتير قعد معاه يجيي نص ساعة بيسمعك للاخر وبيديكى حقك فى الكشف وواستريحتله واستريحت للمستشفى بصوا هو كشفه 75جنيه ومواعيده من السبت للاربع 9ص-12ظهرا الخميس 5-12مساءا يلا لو عاوزين تسالوا عن اى حاجة انا موجوده بس بالله عليكم يا اخواتى ادعولى ربنا يقومنى بالسلامه انا وبنوتى واجيب طفل سليم معافى اه نسيت عنوان المستشفى 8ش احمد لطفى السيد المساحة فيصل وليها دخله من شارع الهرم انتو عارفين سينما رادوبيس الصيفى هى فى الشارع اللي قصادها قدامها الشبراوى ولو هتدخلى من ش فيصل فى محل لبس على اول الشارع بتاع المستشفى اسمه mishka هى بعديه ب3 دقايق اه صحيح معلش الولاده الطبيعى 2024شامله كل حاجه بالغرفه بكله والولاده القيصرى 3500 شامله كل حاجة
منة24 منة24 سوبر فتكات Fatakat 386276 فيصل – مصر