بسم الله الرحمن الرحيم
انا اول مرة اشارك بموضوع فى مدونة الغالى فتكات
ويارب تكون تجربة خير وماتكونش اخر مرة
بصراحة عنوان الموضوع هو المضمون
انا مصرية وعايشة فى الخارج واخر مرة نزلنا مصر من 2024
وكنا ناوين ما ننزلش السنة دى
وخلاص اقلمت نفسى انى مش هنزل فقلت بئا طالما مش هننزل ان شاء الله بعد رمضان ابدء رجيم من تانى اصل انا الرجيم دة صاحبى راحة جاى علية من 4 سنين
وبنزل الحمد لله بس المشكلة عندى بسيب الرجيم لما تكون نفسيتى وحشة
وارجع تانى اللى نزلتة
اية بئا اللى حصل
اول امبارح جوزى لاقيتة بيقولى انا عاملك مفاجاة بمناسبة عيد جوازنا بعد 3 ايام
المهم ما كانش راضى يقولى على المفاجاة بس شغلت الذنانة لحد ماعرفت المفاجاة
اية هى بئا المفاجاة
انة حجز لنا عشان ننزل مصر وهننزل 5 يوم رمضان عشان نقضى رمضان والعيد ونرجع عشان المدراس
لا والسنة دى فى مناسبات ايييييييييييييييييية افراح وعزومات وخروج
يعنى لازم اخس على قد ما اقدر فى خلال الشهر ونص دول
انا وزنى 112
طولى 158
عمرى 28
انا اسفة طولت عليكوا ياريت حبايبى الفتوكات يشجعونى
ويارب يكون اول موضوع لى تجربة خير
وانا الحمد لله بدات رجيم من امبارح وهكتب يومياتى كل يوم
بليز بليز شجعونى
ياترى حد فيكوا جوزة فجؤة المفاجاة دى
واتحط فى الموقف بتاعى دة
الابندا الابندا سوبر فتكات Fatakat 15094 piacenza – ايطاليا