بالرغم انى بتعب جدا فى رفع الصور فى المدونة بس يلا كله فداكوا يااحلى فتوكات فى الدنيا
ندخل بقا ع المفيد
زهقنا من الشكل التقليدى للكفته عايزين نجدد بقا واحنا كلنا عارفين ان العين بتاكل قبل الفم
يلا ندخل بقا ع المقادير والطريقه
المقادير
لحمه مفرومه +بصله مبشوره+ فلفل اسود وملح+وبهارات كفته
معلقه فينو مطحون (البديل بقسماط مفروم
ونخلطهم كلهم على بعض كويس اوووى
مقادير الحشو بقا
فلفل مقطع شرائح طولياً
جبنه مثلثات اى نوع
زيتون مخلى
جبنه رومى مقطعه شرائح رفيعه طوليا
ناخد قطعه من اللحمه صغيره ع اد حجم الكفته اللى هتعمليها وبعدين نحطها على نايلون استرتش ونلف ع النشابه اللى هنفر بيها نايلون استرتش برضه عشان نعرف نفردها كويس او ممكن تحطى عليها من فوق نايلون استرتش وافرد عليه بسمك متوسط
هنا قطعه اللحمه بعد مافردنها نحط بقا الحشو بتاعنا وبعدين نلفها رول باننا نمسك طرف النايلون الاسترتش ونلف بيه براحه ونقفلها من الجوانب كويس عشان الحشو ميخرجش فى الزيت واحنا بنقليها
دى شكلها بعد ماقفلناها رول كلها
نحطها فى بيض وفلفل اسمر وملح وبعدين بقسماط
نغلفها كويس بالبقسماط ونحطها فى التلاجه ربع ساعه عشان الغلاف يمسك
والبقسماط هنا انا متبلاه وحطه عليه شويه دقيق صغيرين
بعد ماخرجت من التلاجه نقليها فى زيت سخن وبعدين نهدى عليها ومنقلبهاش غير لما نتاكد ان الجهه الاولى منها اتحمرت كويس عشان مش تطرى منك فى الزيت احناعايزين نديها وش كرسبى
زووووووووووووووووووم بقا ع الكفته المحشيه وع الحشو اللى جواها
وبالف هنا
مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt