ازيكم يا فتوكات عاملين اية
زهقتى وعايزة تجددى فى مطبخك خليكى معايا هقولك على طريقة جديدة لعمل المكرونة جربى ومش هاتندمى نبدا بقى عشان طولت عليكم
المقادير عبارة عن:
كيس مكرونة قواقع او الى هى عملة زى الحلزون
وربع كيلو فراخ بانية
وبصلية
وثمرتين طماطم
وفلفل الوان اصفر واحمر فلفلية من كل نوع
ومعلقة صلصة
وملح وفلفل اسود
ومشروم على حسب مانتى عايزة
نخشى بقى على الطريقة:
طبعا اول حاجة هاتسلقى المكرونة دى طبعا معروفة
نخشى بقى على المهم
هانجيبة البصلية تكون متوسطة ونقطعها مكعبات صغيرة جدا
ونكون محضرين حلة فيها زيت ونحط البصل فى الزيت لحد لم لونها يدبل بس
وبعد كدة نحط الفراخ ونقلب لحد لم لونها يبقى ابيض
و طبعا هانكون مقطعين الطماطم مكعبات والفلفل بردوا مكعبات ونرميهم على الفراخ
ونقلبهم شوية مع الفراخ وبعد كدة نحط المشروم والصلصةوبردوا نقلب بعد كدة نحط الملح والفلفل
ولو عايزة فيها صوص حطى شوية مية وسيبها على النار لمدةمن 10دقايق لربع ساعة
و ماتنسيش المكرونة الى بتتسلق طلعيها وصفيها ولم تستوى الفراخ حطيها عليها وقلبيهم مع بعض
ودوقى وبالهنا والشفا
طبعا عشان انا لسة جديدة مش عارفة انزل صور اعزورونى
ويارب تعجبكوا
وماتنسوش التقيم لو الموضوع عجبكم مواضيع هذا القسم برعاية
توتة حسام توتة حسام 543839_2.gif فتكات رائعة Fatakat 543839 الشيخ زايد – lم الدنيا
سبحان الله و بحمده