حبيباتي الغاليات
إن شاء الله تكونوا بخير وعافية يارب
وصفتي النهاردة
رولات الباذنجان باللحم المفروم
إن شاء الله تعجبكم
نقول بسم الله ونبدأ ..
المكونات ..
باذنجان رومي ونقطعه شرايح رفيعة بالطول, لحمة مفرومة , فلفل أخضر,
صلصة طماطم , ملح , فلفل اسود , ملعقة صغيرة بهارات
الطريقة ….
نقطع الباذنجان الرومي شرايح رفيعة بالطول
بالشكل دة
ندهن الشواية بقليل من الزيت
(ممكن تشويه في الفرن أو على طاسة عادية أو تيفال)
نشوي شرايح الباذنجان على كل وجه
شويت الكمية كلها خلاص
نعصج اللحم المفروم كالاتي :
( نشوح بصلة في قليل جدا من الزيت ونضيف اللحم المفروم
لحد ما ينزل ميته ويتشربها)
ونضيف عليه الملح والفلفل الاسود والبهارات
ونخلطهم جيدا
ونضيف عليها 3 ملاعق صلصة طماطم وكوب ماء
وبد ما تستوي تماما وتتشرب شوية
نضيف عليها فلفل رومي مقطع صغير
نفرد شرايح الباذنجان
ونحط على الطرف ملعقة كبيرة من اللحم المفروم
ونلفه على شكل رول
دة شكلها لما اتلفت
ونخلي طرف الرول على قاع الصينية بعد ما نخلص
بالشكل دة عشان متتفتحش وهي بتغلي
الصوص اللي متبقي من بقايا اللحم المفروم
نضيف عليه كوب ماء وياخدله غلوتين
نصبه على وجه الرولات
وندخله الفرن لحد ما تتشرب
حوالي نص ساعة تقريبا على حرارة 180 درجة
أو حسب فرنك
دة شكلها بعد ما تشربت خلاص
ودي صورة من فوق وبقايا اللحم عليها
ودة شكلها من الداخل
إن شاء الله تعجبكم
تحياتي لكم
( بنت بطوطة)
مواضيع هذا القسم برعاية
بنت بطوطة بنت بطوطة 114954_8.gif يـــارب صــبرنا Fatakat 114954 جدة – السعودية