ازيكم يا فتوكاتى عاملين ايه
رمضان عالأبواب كل سنة وانتم طيبين
طبعا كلنا بنستعد دلوقتى بنخزن الفاكهه لزوم العصير والخضار وخصوصا عشان العزومات
والصيام مش مستحمل مننا جهد وتعب فالحر ده
مش هطول عليكم
هكتبلكم طريقة تخزين بعض الأنواع من الخضروات والفاكهه
لازم نراعى النقط دى فى الأول :
أولا نحفظ فى الكيس الواحد مقدار أكله واحده لأن اعادة التخزين ممكن تفسد الطعام
نكتب ورقه باسم اللى فى الكيس عشان ما نتوهش
نبدأ بالفاصوليا :تقطع زى العادة ونظفها نسلقها فى الماء ( نصف كوب ماء لكل كيلو فاصوليا ) ننشلها من الماء ونسيبها تبرد ونحطها فى أكياس بمعدل طبخة فى كل كيس ونحفظها فى الفريزر ندخل على البامية : نقمع البامية واللى مش عارفين التقميع ازاى ( نعملها زى القرطاس كده من فوق ونقطع الجزء الصغير اللى من تحت ) نغليها فى ماء وملح ثم تنشل وتبرد ونعبيها فى أكياس برضو أمله فى كل كيس نحطها فى الفريزر ورق العنب : نغلى مقدار من الماء من والملح نسقط ورق العنب فى الميه المغليه لدقايق وينشل ويجفف نحطه فى الأكياس ونحفظه فى الفريزر البسلة :نفصص البسلة ونغسلها كويس نغليها فى الماء لمدة 20 دقيقة ننشلها من الماء ونعبيها فى الأكياس ونحفظها فى الفريزر البصل : نفرمة ونقلبه فى قليل من الزيت نعبيه فى أكياس نايلون وعند الاستخدام ندقة وناخد الكمية المطلوبة الجزر : يغسل ويبشر نعبية فى الأكياس ونحفظه عشان نستخدمه فى السلطة بعد كده
الطماطم : نغلى مقدار من الماء ونشق قشرة الطماطم قليلا ونحطها فى الميه السخنه لمدة دقيقتين بس وننشلها ونقشرها بسهولة نفرمها فى الخلاط ونعبيها فى أكياس ونحفظها فى الفريزر نستخدمها فى التسبيكة للطبيخ بعد كده ندخل على الفاكهه :
الخوخ والكمثرى والتفاح :نجهز الشراب ده ( سكر وماء وليمون ) ونغلى فيه الثمار لمدة 10 دقايق نقطع الثمرة نصفين أو شرايح حسب الرغبة ونسيبها تبرد نعبأها فى أكياس أو علب استانلس ونحفظهم فى الفريزر البرقوق :نجهزله نفس الصراب السكرى ( سكر وماء وليمون ) ونغليه لمدة 5 دقايق وبعدين نحط فيه البرقوق ونسيبه يغلى لمدة 5 دقايق كمان نصبه فى قالب الثلج بتاع الفريزر كل برقوقايه فى فتحة لوحدها ونحطه فى الفريزر لحد ما يتجمد نفرغ الثمرات فى أكياس نايلون أو علب ونحفظها فى الفريزر بعض الأطباق:
الكفتة : نشكلها بدون طهى ( يعنى نضيف اللحم المفروم والبصل المبشور والتوابل حسب المقادير ونعملها صوابع أو كور) نحطها فى صينيه فى الفريزر لما تجمد نعبيها فى أكياس أو نرصهم فى علبة ونحفظها فى الفريزر عند الاستخدام نطلعا تقليها وهى مجمده أو نشويها فى الفرن من غير من نسيحها العصاج : نجهز العصاج (لحم مفروم والبصل ونسوية على النار بالسمن عادى ) نسيبه يبرد ونعبية فى أكياس ونحفظة فى الفريزر القطايف : نعمل العجينه أو نشتريها جاهزة ونحشيها جوز الهند والمكسرات ونقفلها وندهنها بالزبدة ندخلها الفريزر فى صينيه ولما تجمد نخرجها ونعبيها بسرعه فى أكياس قبل ما تسيح عند استخدامها نطلعها قبلها بساعة ونقليها كدة أنا خلصت
يلا كلة يقوم يشد حيلة يجهز من دلوقتى خصوصا ان الأسعار هتزيد جدا فى رمضان
ومش هنبقى حمل شغل فى الحر جهزى كل حاجه ويادوب طلعيها على الاستخدام
يارب الموضوع يعجبكم وما تنسوش التقييم عشان يثبت…
مواضيع هذا القسم برعاية
نادين2017 نادين2017 197210_26.gif فتكات ست الكل Fatakat 197210 الوادى الجديد / الخارجة – مصر