السلام عليكم ورحمة الله
إزيكم يا أحلى فتوكات ربى يحميكم ويحفظكم يارب وتكونوا دايماً بخير وف أحسن حال يارب ^^
بصوا يا قمرات دا أول موضوع ليا هنا ف فتكات بصفة عامة وأكيد أول موضوع ليا هنا فى قسم العيادة النفسية والتنمية البشرية بصفة خاصة ودا لإنى شايفاه أنسب موضوع لحالتى ^^
من غير ما أطول عليكم حالتى بإختصار هى ^^ :
إنى بيجيلى رعشة ف شفايفى وايديا ( وبالذات شفايفى مش فاهمه ليه ولا إيه جابها للموضوع ) فى أى تجمعات خاصة الأفراح ودا شىء مضايقنى جدااااا ومحرج جداااااا ليا
تقريبا والله أعلم إن شدة الكسوف والخجل بيعملوا كدا .. أيون أنا خجولة شويتين إحم إحم يعنى بتكثف
بس بجد كدا الموضوع زايد عن حده وبيحصل معايا كتير جداً مؤخراً وحصل ف حنة بنت خالتى رغم إن كلنا بنات وحصل ف فرحها وف خطوبة واحدة صاحبتى بجد بقى بيسببلى حرج كبير جدا
أنا مش فاهمه ليه ياريت لو دكتورة أو مستشارة نفسية تجاوبني وتقولي إيه السبب المنطقى والنفسى لدا وإزاى أوقفه !!!!!
يعنى أنا بقى مش عارفة ف فرحى هعمل إيه هقعد ارتعش كإنى فايبريشن والعريس يطفش
بجد نفسها تروح منى .. تفتكروا فى أمل اعيش ؟
بـونـبـونـايـة بـونـبـونـايـة 1099531_1.gif فتكات حبوبة Fatakat 1099531 كـفـر الـشـيـخ – مـصـر