بسم الله الرحمن الرحيم
ازيكم يا فتوكاتى يا حلوين بقالى كتير منزلتش مواضيع هنا
كنت مهتمه شويه بقسم المقبلات والمعجنات وعملت هناك كذا موضوع
النهارده بقى هعمل رز بسمتى بالفراخ انا بصراحه مش كنت ناويه اصوره ولا انزله بس حسيت
فى نص الطبخه كده انه هيبقى جمييييل
فقررت اصور وانزل طريقته واليكم المقادير : (( ومش متصوره للاسف ))
4 كوب رز بسمتى دول طبعا بيعملوا كميه حلوه وانتى وراحتك تقللى او تزودى
صدور فراخ مقطعه مكعبات
3 بصلات كبيره
3 طماطم مكعبات
توابل ( ملح – فلفل – بهارات لحم – بهارات فراخ – رشه بسيطه قوى حبهان مطحون – كارى – كركم كتير علشان اللون حوالى 3 معالق )
اول حاجه هنحط فى الحله شويه زيت على زبده وبعدين اقطع بصله تقطيع عادى صغير واحطها عليه
واقلب وبعدين احط الفراخ على طول واشوحهم كويس
وهما بيتشوحوا اجيب البصلتين الباقيين واقطعم شرايح ( جوانح ) بلغه الشيفات
وبعد كده اتبل الفراخ بالتوابل واقلب تقليبه وبعدين احط البصل المقطع جوانح ده على طوول
وبعد كده احط الطماطم المقطعه واقلب كله مع بعض وهتبدا المايه بتاعه الطماطم والبصل تنزل وتشمى بقى الريحه
وااااااااااااااو وهنا بقى قررت اصور ودى اول صوره
وبعدين طبعا هكون غاسله الرز كويس انا مش بنقعه بغسله واحطه على طول
واقلب الرز مع الفراخ والبصل كويس انا بكون مقلله التوابل الى حطاها وباجى فى الخطوه دى ازود شويه تانى بحط
شويه صغيرين ملح وفلفل وبهارات فراخ بس بهارات الفراخ بتاعتى فيها ثوم بودر وبصل بودر وبحط كمان شويه كركم تانى
واقلب كويس
بعد كده بحط بقى مرقه على الرز زى ما احنا متعودين انا برضه مش بزود المايه بتاعه الرز البسمتى قوى
يعنى بعمل للكوبايه حوالى كوبايه ونص مايه او شوربه
واغطى واسيبه لما يغلى ويشرب كل مايته اهدى عليه خااااالص نفس طريقه الرز العادى زى ما كلنا عارفين
ودى صوره الطبق
اتفضلو يا فتوكات
استنوا لسه ما خلصتش فى يوم تانى بقى كان عندى لحمه مسلوقه ومش عاوزين ناكلها كده
فقولت اعملها بنفس الطريقه فى الرز هتبقى احلى وفعلا عملتها وكانت تحففففففففففه
واتنسفت الحله والحمد لله ودى صور الرز الى باللحمه
زووووووووم
واشوفكم قريب ان شاء الله مع طبق تانى 
التقيييييييييييييييييييم
مواضيع هذا القسم برعاية
رحمتى رحمتى 247162_4.gif فتكات متميزة Fatakat 247162 المنصوره – مصر