ازيكم يا بناتيت وستاتيت النهاردة انا جيبالكم طريقة رز بسمتى بالفراخ جميلة اوى تنفع للبنات اللى لسه متجوزوش زيي ولسه بيبدأو فى سنة اولى طبيخ …………..نبدأ بسم الله
المقادير:
ابصلة كبيرة
كركم
كارى
زنجبيل بودرة
ملح
فلفل اسود
قرفة
رز بسمتى
فراخ
الطريقة:
نقطع البصل طرنشات او زى ما بشوف فى التليفزيون جوليان ونشوح فى شوية زيت انا طبعا بحب الزيت مش السمنة علشان صحى اكتر ويادوب تشويح خفيف
واضيف الكركم والكارى والجنزبيل وشوية قرفة صغيرين والملح والفلفل الاسود ويادوب يتخلطوا مع بعض واقوم نزلة بحتت الفراخ اللى طبعا مغسولة كويس بالخل علشان ريحتها تبقى حلوة (ممكن حتت فراخ زى الشيش الطاووق او حتى البانيه او اربه فراخ عادية الموجود استعملوه وطبعا ممكن لحمة او جمبرى اللى موجود حطووووووه)
وبعد ما الفراخ تتحمر حلو وتاخد وش حلو من الناحيتين اقوم حطة ميه واسيبها على النار لغاية ما تستوى
بعد ما تستوى اشيل الفراخ فى طبق وفى الصوص اللى كان مع الفراخ انزل بالرز البسمتى (طبعا الصوص هيكون مركز فلو احتجت ميه ازود لو الرز محتاج)واستنى لغاية ما الرز يتشرب واغطى عليه
اغرف الرز اللى لونه تحفه وطعمه جميييل واحط الفراخ عليه من فوق واعمل سلطة خضرا
ملحوووووظة: ممكن مع الرز وهو بيتشرب الميه احط بسلة تكون نص سوا برضك طعمها حلو اوى مع الرز
وبالهنا والشفاااااااااااااااااااا
وما تنسووووش تدعوووووولى دعوة حلوة كدا ان ربنا يوفقنى فى حياتى ويرزقنى الخيييييييير
مواضيع هذا القسم برعاية
yoyo_84 yoyo_84 فتكات متميزة Fatakat 294600 القاهرة – مصر