السلام عليكم ورحمة الله وبركاته
ازيكووو ي بنات وحشتووووونى
بصوا بقى دى اول اكله اكتبها بعد جوازى ف مطبخى حبيبى
اصلا وانا مخطوبة معملتش غير موضوع واحد بس عن الاكلات
ايه الكدب ده
اخترراع ي كوتش نمبر ون
~~~~~~~~~~~
بصوا بقى المقادير اهيت عشان متقولوش رغاية وبتاع مع انى هادية
كوب ونص رز بسمتى
بصلتين مفرومين ضربا وفرما مبرحا حتى الموت
وفلفل متقطع
وبطاطستين حلوين متقطعين مكعبات
كارى _ كركم _ مكعب فاين فودز _ فلفل اسود
ربعين فراخ مسلوقين وسيبى الشوربة بتاعتها ف حالها متشربيهاش هنعوزها
~~~~~~~~~~
الطريقة اهيت بقى استعنا ع الشقا بالله
انا سلقت الفراخ الربعين بتوعى
عايزة تزودى ف الفراخ زودى طبعا بس انا بعمل ربعين عشان انا وجوزى بس هناكل
وحطيت فيهم وهما بيتسلقوا ورق لورا خلا طعمهم تحفة
وبعدين نشلتهم م الشوربة وسيبت الشوربة ف حالها
نجهز بقى للبطاطس ودى هيا اختراعى معرفش فيه بنات عارفاها ولا لا بس بيتهيئلى لا قولت اقولهالكوا
هنفرم البصلتين ف الكبة وناخد نص الكمية ونسيب النص التانى للرز
ونقطع البطاطس مكعبات والفلفل حلقات نونو
ونحطهم ع بعض البصل والبطاطس والفلفل وعليهم شوية شوربة ومعلقتين سمنة او زيت حسب ماتحبى
وع النااااااااااااااااار عدل اهووووووت
ونحط عليهم بقى مكعب فاين فودز وحبة نونو كركم وفلفل وشطة وملح
ونعلى النار عليها لحد ماتغلى وبعدين نهدى النار عشان تستووى
ون فيها الفرخ عشان ياخدوا ويدوا مع بعض شوية ونطفى عليهم
وندخلها الفرن ع الشواية عشان تاخد لون حلو
ونعمل الرز بقى
هنجيب الرز ونغسله كويس ونكون ناقعينه ف ميا دافية قبلها يجى 20 دقيقة كده
هنجيب نص كمية الببصل اللى ف الكبة اوعو تكونو نسيتوا ونشوحها ف معلقتين سمنة ع النار لحد ماتصفر
ولما تصفر هنحط عليهم معلقتين نونو كركم وكارى ونقلبهم ع النار
هنيب بقى الشوربة العسوولة بتاعتنا اللى احنا مدكننها ونحطها ع البصلة ونحط عليهم معلقة صغيورة كركم ومعلقتين كااارى
وفلفل ومكعب فاين فودز وذرة ملح ونسيبهم يغلو شوية ع النار
ودى لما غليت شوية
ونحط عليهم الرز بس يكون متصفى كوووويس
ولما ميته تنشف نوطى عليه النار ونسيبه يستوى زى اى رز
وادى النهاية لاكلتى الحلووووة هييييييه
دى البطاطس بالفراخ لما طلعت م الفرن
بجد كانت تححححححححفة والله
والرز كان جناااان
لالالالا تسلم ايدى ي جودعان لا اى اى ولا زى زى
اصلى مش لاقيه حد يقولهالى بقولها لنفسى برفع م روحى المعدنية هههههههه
جوزى اخره يقولى حلو اوى سبينى اكل بقى عشان جعان رومانسى اوى الراجل ده ههههههههههه
وادى الرز بتاعى هيييييييه
ودى الاكلة كللها ودى ايد جوزى كان عاوز ياكل وانا منعاه لحد ما اصور وهو مش فاهم انا بصور ليه
قلتله عشان فتكات طبعا كان هيشتم بس مسك نفسه معرفش ايه اللى ضايقه
لو عجبتكووا الاكلة قيموولى بقى لانى تعبت اوى ف الموضوع دهون
وادعولى ربنا يثبت حملى ع خير
يلا ي بنات اشوف وشكوا ع خير ف الاختراع القادم نتقابل
جوووووووووود بااااى
مواضيع هذا القسم برعاية
فوفووو ~ ميدووو فوفووو ~ ميدووو 886687_70.gif سوبر فتكات Fatakat 886687 عايشة ف بيــت ♥جــوزى حــبيبى♥ – عايشة ف قلـ♥ـب جـ♥ـوزى حبيـ♥ـبى
