السلام عليكم ورحمة الله وبركاته
ازيكم يا بنات يا جعانين
جبتلكم النهارده رز بالكركم وعليه فراخ مشويه وبالتفصيل
الاول جبت فرخه وزنها كيلو متنضفه يعني صافي كيلو علشان تستوي بسرعه
وبعدين قطعت الاوراك لوحدها والصدور لوحدها والاجنحه لوحدها
دلوقتي هنشوف عملت ايه بالوراك
بنتبلها ومقادير التتبيله هيه
بصلتين متوسطين +ثمرة طماطم كبيره + معلقتين خل +معلقة زيت +ملح وفلفل وتوابل فراخ وجوزة الطيب لو بتحبيها
بتحطي الخل والزيت والطماطم في الخلاط الشفشق عادي وتضربيهم وبعد ما تضربيهم هتقطعي البصل وتحطي قطعه قطعه وتضيفي التوابل
وبعدين تحطيهم علي الاوراك وتحت الجلد بتاعهم وتسبيهم نص يوم مثلا علشان تشرب من التتبيله بتاعتها
وتجيبي صنيه وتحطي فيها ميه والشبكه بتاع الشوايه بتاع الفحم هتحطيها فيها وتحطيها علي الصينيه اللى فيها ميه وفي الفرن بقا وكل ما الميه تقل تزوديها
دي صورة الفراخ وهيه في الفرن
ونيجي بقا للرز
هتجيبي الرز مثلا كوبيتين رز وعليهم كوبايتين ميه وتحطي معلقه كركم صغيره قوي علشان لونه بيتقل قوي
وتحطي معاه تلات حبات حبهان ورقه لوري وجوزة الطيب برده لو بتحبيها وممكن توابل فراخ طالما هتاكليه مع فراخ
ودي صورته دا لون الكركم قبل ما يستوي هو بيتقل قوي بعد ما يستوي
وبعد ما يستوي تحطي معلقتين سمنه
وبعد ما يستوي عادي تغرفيه
ودا شكله بعد ما اتغرف
وعملت معاه سلطه طحينه
مواضيع هذا القسم برعاية
مايا المسلمه مايا المسلمه 619860_2.gif سوبر فتكات Fatakat 619860 طنطا – مصر