ازيكوا يا فتوكات احنا امبارح قضينا ليلة زي الفل انا وجوزي مبدئيا انا في التاسع خلصت فية اسبوع ودة اول حمل ليا تمام امبارح من الساعة 9 وعندي مغص شبة بتاع البيريود بس مش قوي بس مقريفني ومخلنيش اعرف انام من 9 ل 11ونص كلمنا دكتور معرفة وقال اخد قرصين بسكوبان واريح المهم الدوا معملش حاجة واستمر الوجع وجوزي قلقان لتكون ولادة المهم كلمن الدكتور تاني بعد اكتر من ساعة قال لو دي ولادة بطني هاتحجر وتتطري تاني جوزي حس بطني فعلا عملت كدا جوزي قالي دي ولادة يلا ع المستشفي بقينا الساعة 2 بليل قلتلة مش ولادة لو ولادة اكيد هابقي تعبانة اكتر من كدا قال اني مش عارفة حاجة ودي ولادة والدكتور اللي كلمة قالة كدا قلتلة لو ولادة هابقي تعبانة اكتر قال مش لازم نروح ع اخر لحظة وانتي بتفرفري من التعب كدا الوجع بيبتدي خفيف واضطريت اسمع كلاموا ودخلت خدت دوش واتاخرت ولية ولية اتاخرت كنت بظبط نفسي ما انا هولد بقيونزلنا ودخلنا المستشفي 3 بليل قاسولي الضغط والنبض ولقوهم عاليين قلت علشان انا خايفة وبعدين ركبولي كانيولة في ايدي علشان يسحبوا عينة دم ماهي ممكن تبقي ولادة بقي وبعدين الدكتور جة كشف ععلي بطني بالسونار لقي راس البيبي نازلة خالص وبعدين قال نكشف كشف نساااا اوبببببببا كشف ولقي عنق الرحم لسة مقفول وحطوني ع جهاز نبض البيبي ساعة الا ربع لقوا الدنيا عادي وقالوا لو حسيت بحاجة تانية ارجعلهم قولولي بالله عليكم هاحس باية يبقي ولادة بجد علشان منروحش المشوار دة تاني من غير لازمة احكولي انا منبنيش غير كشف النسا والشكشكة والسهر عايزة علامات تخليني اروح المستشفي واقول دي ولادة بجد مش كدا وكدا لان سهرنا ويدوبك جوزي نام ساعة ونص وقام جري ع الشغل وهو عامل دماغ ومش فايق لان كانت سهرتنا صباحي
غدا تشرق شمسي88 غدا تشرق شمسي88 158562_1.gif سوبر فتكات Fatakat 158562 بلد بعيييييييييييييييييييدة – مصر
سبحان الله و بحمده