ازيكو يابنات
انا قررت اعمل رجيم
بس محتاجة منكم مساعدة
ان القى حد يشجعنى بجد بس يكون عنده نيه بجد
ويتواصل معايا
كل يوم
فيه حد معايا ولا ابدا لوحدى بس هزعل منكم اوى لان انا اول مره اكتب
فى القسم ده وملقيش حد يقف جمبنى
انا على العموم هكتب الرجيم
الهمشى عليه
اوك
الرجيم يابنات هيكون سهل خالص
هنبدا بالفطار
اى نوع فطار انتى عايزاه بس بكميات
طعمية قرصين بس +نصف رغيف+خيار وطماطم وجرجير
او جبنة رومى قطعتين بس +خيار طماطم جرجير
او قطعتين كيك
او بيضة مقليه بس زيت خفيف خالص
المهم يابنات اى حاجة نفسك فيها بس تكون كميه محدودة +اى كمية من الخضار
نيجى بقى للغداء
اى نوع غداء انتى عملاه ومتعمليش حاجة خالص مخصوص ليكى
يعنى لو عندك باشاميل خدى قطعة +السلطة
لو عندك شربة عدس خدى كبشة واحدة +5 معالق ارز+سلطة
لو عندك سمك مقلى طلعى واحدة لفيها فى منايل تمتص الزيت+ارز +خضار وسلطة
بتحبى الطحينة خدى معلقة واحدة بس
لو بتحبى المايونيز خدى معلقة بس واحدة بس
المهم متحرموش نفسك من حاجة
كده طبعا ميت فل و14
نيجى بقى للعشاء نحاول نقفل الفم شويه بس مش اوى
نحاول يكون العشاء خفيف
زبادى مع ربع رغيف وسلطة
او فاكهة مع خضار
او طبق ترمس
الموجود بس يكون حاجة خفيفة خالص
فيه اعشاب بتساعد فى التخسيس وانا اخدها وفعلا خسيت من نصف كيلو لكيلو فى الاسبوع
شاى اخضر نعناع اخضر كمون زنجبيل قرفة معلقة كبيرة من كل حاجة ونغلى 3 كوب ماء ونحط الخلطة فيهم ونغطى عليهم
وناخد كوب قبل كل وجبة
ودى وصف دكتور مش مالفاها بس جربتها
وياريت لو نمشى بقى يابنات
عايزين نخس علشان الصيف يلا مين هيشجعنى ويقول انا معاكى بس يكون صادق فى كلامه ويدخل باستمرار
ww_kk ww_kk images/flowersavatars/avatar0012.jpg سوبر فتكات Fatakat 404005 دمياط – مصر