السلام عليكم ورحمه الله وبركاته
ياريت تفيدوني وبالذات اللي عملوا حقن مجهري
انا مشكلتي ان جوزي عنده الحيوانات المنويه قليله جدااا عملنا اول عمليه والدكتور لاقاه حيوانات منويه في العينه
بس منه لله بقي مجمدهاش تاني مره عملنا العمليه وانا اتحضرت للحقن بعد ما خدت الهرمونات ودخلت العمليات وطلع مفيش حيوانات منويه وبالتالي
العمليه كلها اتلغت تالت مره روحنا مستشفي ابو الغار وتوكلنا علي الله والحمد لله العينه طلعت كويسه وجمدوها
فرحت وقولت الحمد لله يارب وربنا يتمهالي علي خير دخلت للدكتور علي اساس انه يقولي ابدا اخد العلاج واتحضر لسحب البويضات
لاقيته بيقولي بعد 6 شهور قولتله ليه قالي علشان نعمله عمليه تاني وناخد عينه تاني ويبقي عندنا عينتين نقدر ناخد افضلهم لان فك التجميد بيموت الحيوانات المنويه
قولتله طيب ما احنا عندنا متجمد منقدر نعمل بيها الحقن قالي براحتك بس هتكتبي تقرير ان احنا مش مسئولين عن العمليه
انا تعبت اوووووي بجد من كتر الدكاتره وبجد عايزه اعمل العمليه وزي ما ربنا يكتبهالي دي حاجه بتاعه ربنا لو ربنا اراد وده وقت انه يرزقني
هيرزقني واحنا ما صدقنا العينه طلعت الحمد لله كويسه اعمل ايه قولولي اعمل العمليه والا لا؟؟؟؟
ربنا يارب يكرمها اللي ترد عليا
ويرزق كل مشتاقه للحمل
ويكرمكم كلكم باالذريه الصالحه يااااارب
mero88 mero88 357610_1.gif فتكات نشيطة Fatakat 357610 القاهره – مصر
سبحان الله و بحمده