السلام عليكم ورحمه الله وبركاته
كل سنه وانتم طيبين ويارب يعود علينا وعلى المصريين جميعا بالخير
ويااارب يحقق لكل من تتمنى امنيتها .. ويااارب توهب ليا ولكا مشتاقه الحمل السليم
انا يا فنوكات عملت تلقيح صناعي وتعبت اوى اوى بعده رغم ان ناس كتير بتقول ان مفيهوش حاجه وبسيط
خالص بس انا اتعذبت اوى في العمليه وبعدها لمده اسبوع كان مغص جامد ووجع في ضهرى لا يطاق
دلوقت بقى انا مش حاسه بحاجه غير شويه مغص بسيط بيروح وييجي ومعنديش اى اعراض تانيه
المهم انا ميعاد تحليلي بعد بكره ان شاء الله وده اليوم الرابع عشر من العمليه
بس انا دورتى منتظمه ولله الحمد والمفروض ان ميعادها كمان 6 ايام والدكتور قاللى حللى بعد العمليه ب 14 يوم
يعنى فيه فرق اربع ايام طب انا اعمل ايه ؟؟ انا خايفه اوى لانى اتصدمت كتير
اعمل التحليل في اليوم ال 14 زى ما الدكتور قاللى ولا استنى لميعاد الدورة واعمله ؟؟
وهل قبل ميعاد الدورة يبان اذا كان فيه حمل ولا لا ؟؟
انا عملت اختبار حمل منزلى في اليوم ال 11 من العمليه وطلعلى خط واحد كالمعتاد بس حاسه انى استعجلت
بالله عليكم ادعولى ربنا يرزقنى بالحمل السليم نفسي اكون ام
ايمي *لو ايمي *لو فتكات متميزة Fatakat 212068 alex – egypt