السلام عليكم
استشاره سريعه بنتمنى انى القى لها جواب هنا
انا انسه 26 سنه وعندى اللوز من وانا صغيره
واللوز بتلتهب كل فتره مش صغيره يعنى اسمع اللى بيجيله التهاب اللوز مرتين فى الشهر لازم يشيلهاا بس الحمدلله بتقعد فتره كبيره متلتهبش يعنى ممكن كل 3شهور او اكتر مره او مرتين حسب خروجى والجو
الوقتى انا قاعده فى البيت مش بنزل ومتعرضتش لهوا
بس حاسه ان زورى مقفوول خالص وحاسه ان دماغى كلها بزورى بسخونه مع انى مش سخنه
الجديد بقى ان بتجيلى دوووخه كتيير اووى وحاسه ان جسمى تعبان ودماغى تقيله على طول مع انى اكلى قليل بس باكل وانا جسمى مش ضعيف ولا حاجه يعنى بقلل من الاكل شويه بس كرجيم بس باكل كل حاجه ودا من سنين يعنى مش بسبب الاكل
ولما بحس بالدوخه باكل حاجه مسكره برضو مبتاثرش وبفضل داخيه
وساعات ابقى قاعده باكل والقى دماغى لفت مره واحده الدنيا لفت بيا واقعد حاسه بالدوخه وقت كبير
والموضوع دا زايد اووى
التهاب اللوز اول مره يجينى بااعراض الدوخه دى
ان لو تعبانه فى اى حاجه اللوز بتتعب على طول يعنى لو جالى برد بسيط على طول اللوز تشتغل وتكبر الموضوع
فاخايفه تكون الدوخه دى اعراض لحاجه تانيه واللوز هى كرد فعل
حد عنده تفسير
في صمتي حكايه في صمتي حكايه 624647_3.gif فتكات متميزة Fatakat 624647 المنصوره – المنصوره