بسم الله الرحمن الرحيم
والله ده أول موضوع ليا فى المدونة ومن زمان كنت بشوف أد ايه بتفيدوا بعض وبتطمنوا بعض من قبل ما أشترك فى المدونة
أنا يا جماعه كان بينزل عليا دم وأنا حامل تقريبا بمعدل كل شهر أو شهر ونص كده وكنت يارب ما حد يشوفها كنت ببقى مرعوووووووبه بمعنى الكلمه ومنهاره عشان ده أول حمل ليا
المهم روحت للدكتوره كذا مره واتضح ان السبب هو ان المشيمه عندى نازله لتحت ومره برضه الدكتوره قالتلى ان فى التهابات المهم الموضوع ده كان ساعات بيحصل لوحده كده لو عملت مجهود كبير وساعات كان بيحصل أثناء العلاقه والدكتوره كانت بتكتبلى مثبتات للحمل وكانت بتدينى حقنه كده بتوقف الدم عندها
بس الحمد لله ربنا ساترها معايا وحبيت أول موضوع ليا انى اطمن كل الحوامل عشان أنا عارفه أد ايه الموضوع ده مرعب بجد والله
مش عاوزه منكوا أى حاجه غير انكوا تدعولى ان ربنا يتملى حملى على خير انا وكل اللى زيى ويكرمنى بالذرية الصالحه السليمة المعافاه
انا دلوقتى فى الشهر السابع اهو وفى الغربة مع جوزى ادعولى بالله عليكم وارفعوا الموضوع بدعوه من قلوبكم عشان كل واحده تطمن باذن الله
وشكرا يا أحسن مدونة وأحسن صحبة
بحبكم فى الله
مجنـــ بس حنونة ـــونة مجنـــ بس حنونة ـــونة images/avatars/wrong.gif فتكات نشيطة Fatakat 504555 الشارقة – الامارات العربية المتحدة
سبحان الله و بحمده