ازيكم يا بنات
انا فعلا اقصد العنوان دة
انا عاوزة بنات تكون وزنها تقيل أوى زى و تكون عاوزة تخس و تنزل فوق العشرين كيلو علشان يبان عليها ان جسمها اتظبط
هههههههههههههههه انا كنت و انا بنت 60 كيلو و دة كان من 7 سنين
و مش عاوزة اقولكم السبع سنين دول غيرونى تماما
الى بيشفنى و بيفتكرنى و انا بنت بيقولى حرام عليكى الى عملتية فى نفسك
و خصوصا انى مش طويلة انا 158 سم
و مش عاوزة اقولكم على كم التريقة من اعمامى و عماتى و جوزى و اخواتة و اخويا
بقيتى بلونة بقيتى فظيعة قربتى طولك يبقى قد عرضك :
بس بجد زهقت من شكلى
انا عاوزة الى تشترك معاى يا بنات تكون عندها ارادة و تشجعنى اننا نكمل و لما بيبقى فى التزام قدام بعض بجد بنبقى حرصين اننا منعكش فى الرجيم
احنا محتاجين بعض بجد نحكى مع بعض كل يوم او يومين لو فضيتى عشر دقايق تقوليلنا اة اخبارك فى الرجيم و يا ترى عكيتى النهاردة و لا تمام 
و نعمل يوم معين نتوزن فية كل اللى هتشترك و يبقى يوم الخميس الصبح كلنا نوزن نفسنا و نبدء بالدايت الجديد و انا هجبلكم دايت لاكبر دكتور متخصص فى الدايت فى مصر الجديدة هنزلكم واحد كل يوم خميس الصبح بترتبهم زى ما الدكتور بيقول عليهم
و انشاللة ربنا يساعدنا و نقدر نكمل لحد ما نوصل للوزن الى على الاقل يبين اننا جسمنا بدء يتظبط
بس انا فعلا عاوزة بنات و مدامات الوزن التقيل
يعنى انا 91 كيلو يعنى محتاجة 30 كيلو انزلهم
و بمساعدتكم انشاللة هنزل و هخس و هتخسوا معاى بأذن الله
نبدء بالتنبيهات العامة اولا
المياة ثم المياة تشربى فى اليوم من 2 الى 3 لتر مياة لان دى بتساعد على تكسير الدهون و بتغسل السموم الى بتبقى فى الجسم من عملية تكسير الدهون و الى بتسبب جنان و عصبية الرجيم و الحالة النفسية الوحشة الى بتبقى فيها
تانى شى بين كل واجبة و التانية هتكلى بعد الوجبة بحوالى 3 ساعات عدد تلات خيارات و جزارية و لما سالت الدكتور لية قلى الخيار هيشبعك و الجزر هيرفع مستوى السكر فى الدم مش هيحصل هبوط و لا الجسم هيحس انك بتسرقى منة الدهون بانك بتجوعى نفسك و يكلبش فيها اكتر
تالت شى ممنوع تماما السكر العادى و المشروبات الغازية الدايت ( يعنى حاولى تتعودى على طعم السكر الدايت او حتى من غير) و كمان فى الشتا دة ممكن نعوض عن قلة شرب المياة باننا نشرب مشروبات دافية زى الينسون و النعناع و اهى كلها مياة و انا عودت نفسى اشربهم من غير سكر و بجد مبقتش بحس بطعمهم غير كدة . حاولى انت كمان
الفواكة المسموح بيها هى (الجوافة و البرتقال مش اليوسفى و التفاح و ممكن شريحة بطيخ وحدة بس بس سامعين مش نص البطيخة
المواعيد مهم جدا للجسم انك تفطرى بدرى على قد ما تقدرى و ان العشا يكون اخر موعد لية الساعة 9 مساء
مفيش خالص التسالى من لب و سودانى و مكسرات و لبان
ندخل بقى يا بنات على الدايت الاول و انشالله كلنا نلتزم علية و ننزل باذن اللةو اول يوم باذن الله هيكون يوم الخميس الى جاى الى موافق 24 / 1/ 2024
الافطار
1 خبز رجيم أو ربع رغيف بلدى + بيضة مسلوقة +طماطم (حبة واحدة )
فى الظهر
تفاحة او برتقالة
الغذاء
100 جم لحم مشوى او مسلوق + طبق سلطة +طبق خضار سوتية
بعد الظهر
كوب لبن خالى الدسم
العشاء
1 توست ريجيم + 50 جم جبن قريش او كوب زبادى خالى الدسم +خيار و خس منزوع الورق
دى اول مرة اعمل دايت بالالتزام مع حد و انشالله ينفع معاى و معاكم يا بنات
الى هتشترك معاى تكون عاملة حسابها اننا ههههههههه اوزان تقيلة و مش هينفع معانا رجيم اسبوعين او تلاتة و خلاص
لاء لازم باذن الله يبقى فى عزيمة اننا نكمل لحد ما شكل جسمنا يتظبط لاننا زدنا كتير و لازم نستمر فى الرجيم كمان كتير لحد ما نرجع حلوين زى زمان
و نبطل نسمع التريقة الى بيقولوهالنا قريبنا و الى حولينا من الى دايما بيفكرونا اننا كنا جسمنا تحفى زمان
كل واحدة هتشترك معاى تكتب وزنها الحال و الى الوزن الى بتتمنى توصلة
و كل يومين تقولنا اة اخبار الدايت معاهاو ملتزمة و لا لاء و انا هكون اولكم باذن الله
و يوم الخميس الميزان كل الى تتوزن تكتب الوزن الى وصلتلة و انشالله ننزل كلنا
معلش طولت عليكم و مستنية الى هيشتركوا معاى
حبى ابن عمرى حبى ابن عمرى فتكات نشيطة Fatakat 746379 القاهرة – مصر
سبحان الله و بحمده