بسم الله الحمن الرحيم
بصو يا قمرات انا كنت كتبت موضوع قبل كده عن نظامى مع شوربه الكرنب
و دا لينك الموضوع
https://fatakat.univanet.com/#4041852
انا بصراحه جيت بعد فترة زهقت اوى من الكرنب و نفسي قفلت منه خالص بس انا كان لازم اشوف اى حل يخلينى اكمل معاها علشان نتيجتها تحفه بصراحه
و السوسه خطيبي قبل كده كان قايلي عن ميه الكرنب انها بتخسس
فا بقيت اعمل الشوربه بنفس الطريقه دي
و اخليها تتهري خالص و اصفيها و اعصر عليها ليمون و اشربها و طعمها بيكون حلو
و نتيجتها جميله اوى
دي الطريقه
بقطع الكرنب جوليان صغير
و بقطع بصلتين جوليان برضو
و كنت قبل كده بعملها بزيت قليل
المرة دي عملتها بمعلقه زبده صغيرة بجد بتفرق تماماااااا في الطعم و كمان سعراتها قليله لانها معلقه صغيره
المهم بشوح البصل في الزبده
و بحط عليه الكرنب و بشوحه شويه مع البصل
و بحط عليهم مرقه من غير دهون
و بدل ما ازودها مايه من الحنفيه بزودها مايه العروق و الورق الاخضر الى انا عملاها (عارفين الورق الاخضر الى كلنا بنرميه الى بيكون برا الكرنبه
و العروق الجامده دي
بتغليها في مايه لغايه ما تتهري خالص و بنشيلها و نرميها و و نحتفظ بميتها)
و طعمها بجد تحفه
انا بشربها في الفطار و الغداء و العشا
انا ممكن في الغدا اكل ربع فرخه او سمكه او حتت لحمه او حتتين كبده كده يعنى اى لحوم في البيت شغال
و باكل فاكهه براحتى برضو
بشرب مايه كتير
مش بشرب سكر خالص و بقلل الملح خالص
صدقوينى هتتعودو بالتدريخ و مش هيبقا فارق معاكو ولا ملح ولا سكر
و مش هتجوعو
و لو نفسكو راحت لاى اكل في البيت خدو اى لقمه صغيرة من نفسكو بسسسسس
معلش لو كنت رغيت بس بجد لو عملتو زيي هتعرفو انا ليه اهتميت احط الموضوع دا مرتين
remo M remo M 792653_4.gif فتكات متميزة Fatakat 792653 ام الدنيا – مصر