خلوا بالكم يا قمرات من الزيتون الاسود .. هتلاقى نوعين ، نوع كويس وهو الزيتون الاسود الطبيعى ، ونوع مش كويس وهو كان فى الحقيقة زيتون اخضر لكن المصانع استخدمت ورنيش لصباغته للون الاسود ( لان الطريقة دى اوفر بالنسبة لهم واسهل ) ..
هتعرفيه من شكله ولونه من جوه ..
وانا هاوريكم الصور اهى للتوضيح :
اولا : الزيتون الاسود الطبيعى ( اللى هو كويس وتاكليه وانتى مطمنة ) :
دا كله كده طبيعى .. شوفى لون الزيتونه من جوه عامل ازاى ؟
انما بقى الزيتون اللى انا بحذركم منه اللى تلاقى لونها من جوه اخضر ومن بره اسود
زى فى الصورة كده ، وشوفوا الفرق بينها وبين الصور اللى فوق:
( انا ملقتش غير صور لفتوكة عاملاها فى موضوعها ) :
اكيد انتم شايفين ان الفرق بينهم بقى واضح دلوقتى ، الزيتون اللى بيستخدموا له ورنيش دا غلط على الصحة يا بنات ( دا الورنيش اللى بنورنش بيه الجزم بتاعتنا .. اعزكم الله .. علشان يستسهلوا ويوفروا بيستخدموا الطريقة دى ) دا هتلاقوا من جوة اخضر لانه فى الحقيقة كان زيتون اخضر .
هاقولكم بقى تعملوا ايه لو اشتريتم زيتون مخلل ولقيتيه حادق او وملحه زيادة : بسيطة جدا صفيه من الميه بتاعته وحطيه فى شوية ميه بخل وسيبيه فى التلاجة .. كل يوم هتلاقى ملحه قل شوية .. وبعد 3 ايام كده تقريبا هتلاقيه بقى تمام .. ولو سيبتيه فتره اطول هتلاقيه بقى طعمه دِلع كمان
لو شايفين الموضوع مفيد ارفعوه بمشاركة او تقييم علشان الكل يعرف المعلومة .
فى امان الله . مواضيع هذا القسم برعاية
soso and tota soso and tota images/lettersavatars/S_c.gif فتكات هايلة Fatakat 139587 الزقازيق – مصر
