حبيباتى كيفكم عاملين ايه
يارب تكونوا بخير وسعادة
طبعا كلنا بيفيض عندنا بواقى من كل شيىء
يعنى بقسماط -عيش فينو
اوووووووووعى ترمى حاجة
النهاردة اقل حاجة بتتباع باحسن فلوس
وممكن تستغنى عنها بأقل الامكانيات المتاحة فى البيت وتوفرى وتستفيدى بحاجة نضيفة من صنع ايديكى
المهم انا كان عندى كام بقسماطة متنحين ومحدش راضى ياكلهم
عملت بيهم الكمية دى من الفيجيتار البيتى النضيف
اول حاجة كسرتهم كدة عشان افرمهم فى المطحنة بتاعة الخلاط (اللى بتطحنى بيها الفلفل والكمون)
هاتى بقة اى بهارات عندك فى البيت
انا جبت فلفل وكمون وملح وبابريكا وكركم وبهارات لحمة وكزبرة ناشفة
وقلبتهم مع البقسماط المطحون وبقوا كدة
ريحتهم جميلة جدااااااااااااااا
وممكن تتعمل من العيش الفينو البايت تقطعيه وتحمصيه على خفيف فى الفرن على نار هادية خالص وتطحنيه بنفس الطريقة
وحطيته فى برطمان وشيلته فى باب التلاجة لحين الاستخدام
انا عارفة انه فى ستات كتير شاطرة وعارفة الموضوع ده
بس بردوا فى بنات كتير لسة مبتدئات وممكن تستفيد
لو عجبك الموضوع ياريت دعوة حلوة وتقييم عشان غيرك يستفيد
فى امان الله ياقمرات
احبكم فى الله
مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر