فتوكاتى الاعزاء بعد الصلاه والسلام على رسول الله
الحمد لله ربنا اكرمنى بالحمل غن طريق التلقيح الصناعى
للاسف انا كانت مشكلتى فالعقم مشتركه بينى وبين زوجى
بالنسبالى كان عندى قصور فالغده الدرقيه وجوده البويضات سيءه
وزوجى كان العدد 20 مليون والحركه 30 % والتشوهات 80%
روحت لدكتور اشرف ابو على كانت تحاليلى جاهزه
وعاملع اشعه بالصبغه وبفضل لله كويسه
قالى لازم تلقيح صناعى
قعدت 3 شهور خسيت فيهم وكنت بشرب بردقوش ومنعت الافراخ من الاكل
وكل يوم لازم اشرب لبن وكترت من الاسماك والجمبرى
وزوجى اخد carnivita forte antox
دى مجرد فيتامينات
وبعد 3 شهور رحت عياده دكتور اشرف
وبدات التنشيط كل يوم امبولين مريونال الانبول ب50 جنيه
وكل يومين اروح اتابع التبويض وبعد 9 ايام استجبت للتنشيط وطلعت 3 بوسضات تقريبا
الدكتوره كتبتلى 2 امبول حقنه تفجيريه كوريمون ب33 الواحده
ويوم اجازه
وجه يوم التلقيح
روحنا 10 الصبح المركز لقيت امه محمد قتعده هناك قلت محدش بيخلف طبيعى ولا ايه
للعلم مركز المدينه احسن نتايج للتلقيح والحقن فالاسكندريه
المهم اخدوا عينه زوجى واتركنا بره بتاع ساعتين عشان العينه تتغسل وتتنقى
وبعدين نادونى
ونمت على ىسرير عادى جدااا زى بتاع كشف النسا
والبنت ركبتلى المنظار الحديد الغلس
وجه الدكتور دقيقه واحده حقتلى الحقنه وجرى
وسابوا المنظار زى 5 دقايق وخلاص وشاللوه وكتبولى مثبتات ويلا روحى
و13 يوم وعملت التحليل وطلع ايجابى
بس للاسف حصل نزيف زى الدوره وفكرته نزل واخدت ادويه ومثبتات وبعدها ب10 ايام روحت اعمل السونار فوجئت ان فى كيسين حمل
اسبوعين ورحت اتابع لقيت كيس فيه جنينين وكيس فيه جنين واحد يعنى 3 عيال ؟؟؟؟؟؟؟؟؟؟؟
مرضوش يبسيبوهملى وخوفونى وقالولى هتولدى بدرى وهيموتوا ورحت ل4 دكاتره كلهم نفس الراى
وعملت عمليه تخفيض الاجنه ونزلت واحد وواحد مات وباقى واحد
الحمد لله انا فى اول السابع دعواتكم اكمل على خير
هاكتبلكم الاسئله الشائعه باجابتها
التكاليف؟؟
700 العمليه والتنشيط 1000 ومثبتات 200 يعنى كله حوالى الفين
الاكل؟؟
المفروض ايام التنشيط ما تاكليش فراخ لانها بتاثر على جوده البويضات وتكترى من الاسماك واللحوم وتشربى بردقوش وتاكلى اناناس
وكذا واحده عملو الكلام ده والحمد لله نجحوا من اول محاوله
الراحه ؟؟
ايام التنشيط ياريت تتمشى وتشربى ميه كتتييرر
وبعد العمليه ترتاحى بس مش قوى يعنى اتمشى فالبيت وصلى وروحى الحمام ممكن تغسلى مواعين بس بلاش شيل تقيل ولا تنطيط
الجماع؟؟
المفروض يوم التلقيخ بليل وتانى يوم وبعد كده اجازه لحد التحليل
التحليل امتى؟؟
المفروض 14 يوم بعد التلقيح انا عملته بعدها ب12 وبان الحمد لله
بس لازم العددى اللى فالدم تحليل البول مالوش اى لازمه
انا كتبتلكم الموضوع عشان تستبشروا وتعرفوا ان كل شي على الله هين
وادعو واستغفروا واعملوا الرقيه الشرعيه
وياريت تدعولى ربنا يهدينى ويكملى على خير
وتقيمى عشان غيرك يستفيد
زمان كنت هاموت على موضوع زى ده
مونى الحبوبه مونى الحبوبه 544477_2.gif فتكات هايلة Fatakat 544477 الاسكندريه – مصر