ردوا السلام الأول يا فتوكاتي ،، 
||
||
||
رديـــــتــــوا
||
||
||
||
||
رديــتـــوا خلااااااااااااااص
…………………………………………..
………………………………….
……..
……..
………………
……..
نبتدي بقى الموضـــــــــــوع بتاعنا
بــــســــــــــم الله
* دلوقتي يا فتوكات كتر اووي الكلام والمواااضيع
عن ان حلل النيوفلام متنفعش مع البوتجازات البت ان / المــســـطـح
ونــاس كــتـــيــر تكدب الخبر وناس أكتر يأكدوا الكلااااااااااام
وبياعين يقولوا للناس المعلومة دي والبنات تصدق وتقول
ان مش من مصلحة البياع انه يقولي كده علشان مشتريش وامشي
اكيييييييد ده عنده ضمييييييير وعايز ينصحني بجد!!!!!
* لدرجة إنـــي بشوف بنات بتسأل على صفحة تيوليب ع الفيس
"هي الحلل دي تنفع مع البوتجاز البلت ان؟؟؟"
فمعنى كده ان الموضوع ده كبير ولازمله وقفة بجد
* وبيني وبينكوا انا لما كنت بشوف المواضييييع دي
كنت بضايق اوووووووووي ،، ليه بقى؟؟؟؟
لإن أنا جبت الحلل دي ومعتمدة عليها تقريباً اعتماد كلي ،
لإني مجبتش غيرها ومش ناوية الصراحة لإني شوفت انها تغني عن أي أنواع
تانية بمميزاتها فملهاش لازمة خالص زحمة المكان وخصوصاً لما يكون المطبخ صغير مش كبييير
* فالمهم إني كنت ببقى حولع لما اقرأ الكلام عن الموضوع ده
لإني ان شاء الله ناوية اجيب البلت ان / الــمـــســطـح
وف نفس الوقت طقم الحلل دي غاااالي اووووي ودفعت فيه كتير
معقول الفلوس تروح كده هباءااااً ،،، او يبقى الحل إني مجبش البوتجاز اللي بحلم بيه علشان الحلل!!!!
فقلت لاااااااااااااا أنا لازم اعرف ايه حكاية الموضوع ده
واصله وفصله من طقطق لسلامو عليكوووو
طبعاً أول حاجة جت ف بااااالي إني اقرأ التعليمات ع العلبة / الكرتونة
وفعلاً طلعت الحلل وقعدت اقرا الكلام ده
شايفين الجملة اللي عليها مستطيل احمر دي ،،، هي دي أُس المصاااااااااايب كلها
بيقولك ايه:-
"Not Suitable For Microwave, and Induction Cook Top"
معناها بقى:- انها غير مناسبة / غير قابلة للإستخدام في الميكروويف
انما ايه بقى ال "Induction Cook Top" !!!!!!!!!
معناها حرفياً "بوتجاز الحــَــــــــث" ،
هنا بقى بدأت أقلق بجد ، هل قصدهم فعلاً على البلت ان!!!!!!
يعني الكلام ده صح؟؟؟؟؟؟!!!!!!!!!
قعدت أدور هنا وهنااااااك ، واسيرش عن الموضوع ده لحد ما توصلت للآتي:-
(بصي بقى يا فتوكة وركزي كويس اوووووي 
)
أنواع البوتجازات (طرق توليد الحرارة اللازمة للطبخ / للتسخين):-
1. كيميائياً (البوتجاز الغاز) :
ده بيعتمد على حرق مادة قابلة للإشتعال للحصول على الحرارة
زي مثلاً (الغاز الطبيعي / غاز الانبوبة)
وزمان كانوا بيستخدموا (الفحم / الخشب)
البوتجاز ده بيعمل بكفاءة مع جميع أنواع الحلل
2. كهربياً (البوتجاز الكهرباء) :
ده بيعتمد على مرور التيار الكهربي في سلك له مقاومة فبنحصل على الحرارة
بمعنى ان (مجرد ما نحط الفيشة البوتجاز بيشتغل علطول)
البوتجاز ده برده بيعمل بكفاءة مع جميع انواع الحلل
3. بوتجاز الحــَـــــث المغناطيسي :
ده بوتجاز يعمل بالموجات الكهرومغناطيسية
بمعنى ان لازم الحلة مع البوتجاز يولدوا مجال مغناطيسي
(زي لما تقربي مغناطيسين من بعض)
المجال المغناطيسي بيولد تيار كهربي اللي هو بيولد الحرارة
البوتجاز ده بيعمل فقط مع الحلة المصنوعة من مواد مغناطيسية
زي مثلاً (الإستانلس استيل)
وبالتجربة: لو جبتي مغناطيس وقربيه من قاعدة الحلة
لو مسك فيها يبقى الحلة دي تنفع مع بوتجاز الحــَـــث
لو ممسكش فيها يبقى الحلة دي متنفعش مع البوتجاز
لإن كده مش حيتولد مجال مغناطيسي
ودي صورة لبوتجاز الحــَـث المغناطيسي (Induction) :
بالنسبة للبلت ان Built-in ماهو إلا شكل فقط
مجرد اننا فاصلين البوتجاز عن الفرن ، لكن مالوش أي علاقة
بطريقة عمل البوتجاز نفسه سواء (غاز / كهرباء / حــَـــث مغناطيسي)
معنى كده ان البوتجاز البلت ان Built-in في منه
غـــــاز ، كــهـــربــاء ، حــَـــث مغناطيسي
والبوتجاز العادي هكذا برده
في نـــاس كتير فاهمة إن أي بوتجاز مختلف عن شكل البوتجاز
التقليدي فهو إسمه Built-in ، بغض النظر عن إن هو بيشتغل إزاي
وعلشان كده طلعت الإشاعة
"حلل النيوفلام متنفعش مع ال Built-in"
من كل الكلام والرغي الكتير اللي فوق ده، نستنتج ايه:-
ان حلل النيوفلام غير مناسبة لبوتجاز الحــَــــث المغناطيسي فقط
(والبوتجاز ده اصلاً لــســه مش متوافر في مصر بكـثـرة)
يكون بقى (بلت إن Built-in / عادي / عفريت أزرق/ ……..)
مالناش دعوة خالص بالشكل،،،،
هنا بيقولي ان الحلل آمنة للإستخدام :-
1. في الطعام
2. على بوتجاز الاشعاع الحراري
3. على بوتجاز الغاز
4. على بوتجاز الكهرباء
5. في غسالة الأطباق
****************************
*********************
**************
انا عارفة اني رغييييت كتيييييير وقولت تفاصيل كتييير
بس ده علشان نبقى فاهمين صح
مش أي حد يقولنا حاجة نصدقها علطول
ولازم نتعب علشان نوصل للي عايزينه
وانا تعبت اووووي ف الموضوع وف تظبيطه
علشان يبقى بسيط وسهل في قرايته
متنسوش بقى التقيييم
علشان تفتحو نفسي ف اول موضوع ليا
RoreTa RoreTa 1077765_2.gif فتكات متميزة Fatakat 1077765 ♫♫ في مكان هادي ♪ ودافي اوووى ♫♫ – ~مصر~ يارب تحفظها من كل شر ،، وتجمع بين كل أهلها بالحب ♥♥♥