مساااااااء الخير يا قمرات ازيكم
يار بديما تكونوا بصحه وعافيه
اولاا انا عايزه اقولكم على حاجه خطيره بجد خطيره وتاثيرها فورى وهتريحك جداا ودا عن تجربه
بصوا بقه اختكم من النوع العصبى شويه لا شويتين تلااته يعنى حبه كتيرين على راى عمر ابنى اه هو دا سبب من الاسباب المهم علشان مطولش عليكم
قولى طولى يا فتوكه منك ليها دى حاجه خطيره مش اى حاجه بس قبل ما اقولكم عايزه دعوتين حلووين
المهم دعيتوا
ندخل فى الموضوع انا يا بنات معدتى على طول بتوجعنى ولو اكلت اى حاجه بحس انها اتنفخت وجع فظيع وبحس انى مش طايقه اة حاجه من شده الوجع وخصوصا مع الاكلاات الى كلكوا عارفينها المهم المعجنات برضوا بتموتنى من التعب واى حاجه باكلها بتتعبنى وبفصل بوجع وحرقان وتعب على طول فى المعده روحت كشفت عن دكتور وقالى اعملى تحليل ميكروب حلزونى المهم روحت وقالى عندك بس غير نشط والتهاب فى المعده واخدت العلااج ومفيش فايده يخلص العلااج ترجع ريمه لعادتها القديمه والوجع برضوا يشتغل تانى وخصوصا بالليل ومن فتره كدا مش طويله اوى كنت عامله بيتزا وكريب واكلت متاخر وعينك متشوف الا النور ووجع لدرجه انى كنت بعيط من شدته ومن كتر الوجع نزلت الساعه 7 الصبح علشان ادور على اى صيدليه فاتحه اخد اى حاجه تهدى النار الى فى معدتى ملقتش المهم روحت جنبى سوبر ماركت واحد كدا كبيره فى السن شويه بتقولى مالك انتى تعبانه قولتلها بموت مش قادره ومش لااقيه اى صيدليه فاتحه قالتلى مالك قولتلها معدتى هموت من الوجع قعدتى وقالتلى استنى وراحت جابتلى معلقه من عندها وجابتلى علبه زبادى اكتفيا قالتلى كليها دلوقت برقتلها قولتلها مش هقدر هرجع قالتلى اسمعى بس الكلاام المهم ضربتها وانا واقفه ومفيش 5 دقايق اكنى باكدب الوجع راح خالص وقالتلى ايه رايك مفيش وجع صح قلتلها اه فعلا قالتلى بصى انا بقالى اكتر من سنه ماشيه عليها وريحتنى جدا وكل سوم بالليل باكل واحده والصبح على الريق اكل واحده ومن ساعتها محستش باى وجع طبعا انا صدقتها لان نتيجتها بانت وقتى فى ساعتها وبصراحه بقالى اكتر من شهر وانا بعمل الموضوع دا لااقيت ايه مفيش اى وجع خالص فى المعده النفس مرتاح باكل الاكلاات الى كانت بتتعبنى ومبتعبش قولى ماشاء الله يا فتوكه منك ليها وبجد روعه ومن ساعتها لا علااج ولا وجع قلب وبصراحه حسيت بفرق كبير جداااااا فى معدتى وغير كدا بتقلل الكرش خالص حسيت انى الانتفاخ ووجع القولون راح خالص ودا عن تجربه وبصراحه محبتش اكتب الموضوع غير لما يعدى فتره واشوف ايه النتيجه جربوها وبجد هتدعيلى بجد هتحسى بفرق كبير ومش هتحسى باى وجع وخصوصا انى يوميا بلااقى فتوات بتشتكى من وجع المعده والالتهاب ومش عايزم منكم غير دعوتين رضا الله وحسن الخاتمه
والى تقرى الموضوع وتجربه تيجى تحكيلنا عن تجربتهااااا علشان غيرها يستفيد ممكن تكونى سبب فى تخفيف حمل او تعب عن اخت ليكى فى الله
فى رعايه الله يا قمراااات
دى الصوره يا بنات ويعرها 2 جنيه ولو هتجيبى العرض بتاع فتح الله 6 ب 10 جنيه
همسة حب حلوة همسة حب حلوة 558978_4.gif سوبر فتكات Fatakat 558978 اسكندرية – مصر