بسم الله الرحمن الرحيم
__________________
السلام عليكم يابنات بنات كتير بتعمل تمارين الجذب لشريك الحياه الي قاله الدكتور احمد عمارة .. بس الدكتور احمد عمارة ماقالش خطوة مهمه جدااااا يمكن لضيق وقته في البرامج .. لكن انا الحمد لله ربنا هداني بفضل لمقالات بقراها واقريت شويه في قانون الجذب وعرفت الخطوة دي عن طريق مقالات المدرب فيصل عبد الواحد
انا جبتلكم تسجيل للمدرب فيصل هفيدكم
https://www.youtube.com/watch?v=0j9dxkgg5fM
مع جزء من مقالاته والي بيتكلم فيها عن الخطوة المهمه الي قبل الصفات وهي التطهير
في طرق كتير لتطهير منها الصعب والسهل والي محتاج انك تتقري اكتر عشان تفهمي اكتر .. لكن انا جبتلكم اسهل طريقه
وهي حرق المعتقدات
حرق المعتقدات بالظبط زي الجرح الملوث
اللي لازم “يتنضف” كويس جداً
قبل ما يبدأ يلتئم
وإلا، لو التئم – أو بالمصري لم – وهو فيه الملوثات دي، ممكن يعمل مشاكل جامدة بعد كده
ورغم ان عملية التنضيف أو التطهير بتوجع وبتسبب ألم كبير
لكن مهمة، وما ينفعش ما نعملهاش
عشان الجرح يلتئم كويس، وما يحصلش مشاكل بعد كده ان شاء الله
نفس المفهوم، ونفس المنطق
أي حاجة سلبية جواك لو سيبتها من غير ما تعالجها
ممكن يتهيألك انها راحت أو نسيتها
لكن وقت ما تحصل أي مشكلة، هتفتكر كل السلبي اللي جواك
وفجأة ممكن تلاقي الدنيا قفلت في وشك
او اتخنقت فجأة
او اتعصبت على حاجة تافهه جداً
سمعت مثل “القشة التي قسمت ظهر البعير” ؟
أيوة بالظبط..هو عشان كدة
أنصحك تكرر حرق المعتقدات عند الحاجة، لو حسيت ان في حاجة خانقاك او مضايقاك
حرق المعتقدات..تماماً زي ما الاسم بيقول
حرق معتقدات !
وحرق ذكريات
وحرق مواقف
و حرق أشخاص..بالطريقة السلمية طبعاً، على الورق
! مش حرقهم في الحقيقة
ايه رأيك نجربها الوقتي مع بعض ؟
حتى ولو..للتسلية ؟
بص يا سيدي
كنوع من التغيير
هتكلم عنها كإنها وصفة أكلة
المقادير
ورق كتير
قلم
ذكريات سلبية
: طريقة الاستخدام
هتروح مكان هادي مع نفسك، وتبدأ تمسك القلم
وتفتكر 5 مواقف، أكتر خمس مواقف حسيت فيها في حياتك
بأحاسيس سلبية
أقوى 5 ذكريات مش حاببها
ممكن تكون حسيت فيها بالألم
الحزن
اليأس
فقد شخص عزيز عليك
الغضب
الذل
الخيانة
أي شعور “سلبي” مر عليك في حياتك
أي ذكرى سلبية
عايزك تكتب أقوى خمس مواقف فيهم
جميل..الوقتي، حط الورقة دي على جمب
وهات ورقة جديدة
وابتدي اكتب تفاصيل أول موقف
حصلك ايه
شوفت ايه
سمعت ايه
حسيت بإيه
مين كان موجود في الموقف ده معاك
عملك ايه وعملتله ايه
حسيت الاحساس ده ليه
كل حاجة
عايزك تكتب كل حاجة..لكن مش بس تكتب
عايزك تعيش اللي انت بتكتبه
عيش كل احساس حسيته
واسمع كل كلمة اتقالتلك وقتها
وشوف كل منظر شوفته على قدر ما تقدر
على قدر ما هتحس، وتعيش الكلام ده
على قدر ما هتتحرر منه بإذن الله
جميل..
اكتب كل حاجة تفتكرها
مش مشكلة هتاخد كام ورقة، زي ما قلنا احنا معانا ورق كتير
مش كدة ؟
ممتاز
مفيش اي مشاكل من انك تحس الأحاسيس السلبية دي
مفيش اي مشاكل
أنك تبكي
مفيش أي مشاكل
انك تحس نفس الاحساس اللي حسيته وقتها
انك تحس بالإهانة
بالذل
بالحزن
بالغضب
مفيش أي مشاكل
اكتب الحاجات السلبية بس
…
…
جميل..آه جميل بإذن الله
الوقتي..عايزك بقى تجيب الورق ده
وتمسكه قدام عينيك
تبص فيه كويس
ركز عليه
وقطعه
آه قطع الورق ده
وبعد ما تقطعه، احرقه
احرق الورق المتقطع ده
وشوفه بيتقطع قدامك
الوقتي بعد ما انت المفروض انك عملت الخطوة دي
حاجة من الاتنين، يا حسيت بارتياح كبير أوي الحمد لله
وان في حاجة اتشالت من جواك
أو حسيت باكتئاب وحزن
وفي الحالتين، أنصحك تعمل الخطوة دي
اللي هي عكس الخطوة اللي فاتت تماماً، الوقتي هات ورقة جديدة
وابدأ اكتب مشهد من حياتك متحقق فيه اهدافك كلها
اكتب مشهد بكل تفاصيله
وعيش كل حاجة حلوة فيه
كل حاجة حلوة بس
اضحك وانت بتكتب حاجة تفرح
حس بالراحة وانت بتوصف ازاي الحياة جميلة ومريحة وهدفك “…ده موجود
اوصف كل حاجة، واسمع كل صوت، وشوف كل مشهد
وحس كل احساس
كإن أهدافك دي موجودة فعلاً، وانت بتوصف حياتك بيها
اعمل كده بكل التفاصيل اللي تقدر عليها
قانون الجذب معانا الثقه بالله في انه هحققلك احلامك انه هخاليك سعيد انه ه ستجبلك دعاءك
فانا شايفه ان كل كلام التنميه البشريه ده طريقه عامله زي الدوا او روشته من دكتور
وهتكتمل بانك تقربي من ربنا تحسي برحمته بحنيته بقوته وعظمته تعرفي اد ايه انه قال ادعوني استجب لكم
ان الدنيا مش عذاب زي ماكتير بتتصورا .. ربنا عايزنا نعيش سعداء طول ماعيشين في الدنيا واسعد لما نعيش في الاخرة
اي حاجة مرت علينا احنا المسئولين عنها حتي لو سببها اشخاص تاني احنا المسئولين احنا المسئولين
في ايه مش حفظها لربنا سبحانه وتعالي معنها ان اي حسنه من ربنا واي سيئه من نفسنا
نغير افكارنا .. نبتسم اضحكي .. وجوا قلبك ثقي ان ربنا هجبر بخاطرك
هحصل والله والله عن تجربه اقدرت اغير حياتي واعيش سعيده بقيت حاسه من جوايا بفرحه مرتاحه
ولما فرحت فرحت اهلي وبسطتهم غيرت جو البيت
قبل ماتناموا اعملوا 3 حاجات :
* استغفروا وتوبوا عن اي ذنب عملتوا في يومكم سواء كنتوا قصدينه اول لا .. ورددوا 3 مرات .. استغفرك واتوب اليك عن كل ذنب اذنبته في يومي سواء عملته بقصد او بدون قصد انت التواب الرحيم (كده ضمنت انك نايم علي توبة وذنوبك اتغفرت)
* احمد ربنا واشكره علي كل نعمة ادهالك في اليوم ( وكده طبقت كلام ربنا وان شكرتم لا ازيدنكم)
* حس بقين ان بكرة هتبقي سعيد .. مالكش دعوة ازاي .. ازاي دي بتاعه ربنا .. انت بس نام وانت متاكد ان بكرة هيكون يوم جميل (وكده تكون عبد ربنا بحسن الظن .. زي الحديث القدسي انا عند ظن عبدي بي فليظن عبدي بي ما يشاء فان ظن بي خير فله وان ظن بي شر فله ) هات بس احساس اليقين بان بكرة هيكون يوم جميل والباقي علي ربنا لان وعد منه
بجد عن تجربة لو عملتوا دول هتفرق معاكوا الدنيا اوي
السعادة .. كل الناس بتدور عليها .. كل الناس بتربطها ياما بشخاص ياما بمواقف .. المهم ان بترتبطها بحاجة وخلاص .. وده غلط .. مانفعش انك توقف سعادتك وحياتك علي حاجة او شخص كده مش سعاده اصلا .. ماهي ممكن الشخص ده مايجيش او يجرح او يموت لاي سبب من الاسباب مش هيكون موجود .. لكن لو ربطت سعادتك بحاجة دايمه كده هتطمن انك هتعيش سعيد .. اربط سعادتك بربنا سبحانه وتعالي .. طول ماربنا عارف انك واثق فيها هيديك الي يسعدك .. ابقي سعيد عشان اداك عمر ولو لحتي ثانية وحده .. في الثانيه دي ممكن تغير دنياتك واخرتك ممكن تتوب ممكن تفكر تغير حياتك ازاي ..دي السعاده ان طول ماتعيش اكتر طول مانت ضامن ان عندك فرصة تحقق الي عايزة في الدنيا والاخر ..
معلش طولت عليكم بس هقولكم اخر حاجة
لما تيجوا تجذوا شريك الحياه ماتفكروش ان ازاي هحصل سبيها علي ربنا مش من اختصاصك ده اختصاصك انك تتمني وتدعي
ومالكيش دعوة بالناس ومشاكلهم وتجاربهم
وماتشكيكيش ان ده يحصل لان كده عدم ثقه في الله
بلاش النفي اختاري صفات اجابيه
وبرضوا بلاش انك تحددي وقت
وافصلي نفسك عن هدفك بعد ماتتخيليه ماتخلوش حاجة مولحه في حياتك ان لو ماجاش مثلا ممكن تحبطي وتزعلي
يعني انك مش محتاجه لكن عايزاه
واخر حاجة كل ده مجرد وسيله القلب والعقل والبشر والكون والاحلام والاماني والسعاده والحزن
بايد ربنا سبحانه وتعالي فتقربوا من ربنا استغفروا وياريت 1000 مرة .. قيموا الليل .. ادعوا في السجود .. اختموا قران .. قولوا الاذكار
معلش بقي صدعتكم سلام عليكم
Dal3 El 2mar Dal3 El 2mar 743942_1.gif فتكات نشيطة Fatakat 743942 القاهرة – مصر