حبايب قلبي احلى فتوكات انا جايبة ليكم اليوم نظام غذائي انا جربته عليا قبل ما اقولكم عليه وبجد مكنش فيه اي نظام بينفع معايا لاني من النوع اللي بأعند انا وزني مش كبير لكن كنت عايزة اوصل للجسم المثالي وطبعا كان فيه عقدة البطن اللي أغلبنا بيشتكي منها والله كله راح بطن جناب كله والاجمل من ده مقاس لبسي صغر من غير ترهلات ولا وش تعبان ولا حاجة طبعا طولت عليكم ندخل بقي في النظام
الممنوعات
النشويات بجميع انوعها رز – مكرونه – خبز – العصائر الجاهزة – الحلويات – المياة الغازية
المسموحات
كل شيء عادي تاكليه يعني طبختي مثلا كلي كل الأكل ما عدا الرز او المكرونه او الخبز
وكمان ليكي مرتين في الأسبوع تاكلي بطاطس بس مسلوقة وومكن طبق رز صغير يعني فيه نشويات اهو
الفواكه
مسموح كل انواع الفاكهه ما عدا المانجو والتين والتمر والعنب
العصائر
مسموح العصائر الفريش في البيت وممنوع الجاهزة وليكي معلقتين سكر في اليوم على أي حاجه بتشربيها شاى نسكافيه قهوه
الالبان
الحليب كامل الدسم مش ممنوع بس انا مش بأحبه باشرب دائما قليل او منزوع الدسم لان فايدته والكالسيوم فيه اكتر وياريت تعودي نفسك وأولادك عليه
الجبنة المطبوخة ممنوعه لكن العادية مسموحه وبأى كمية
الخضار
كل انواع الخضار مسموحة حتي اللوبيا والبسله كله كله عيشوا بقي اهو مش حارماكم من حاجه وممكن كمان تطبخي بزيت
اهم شيء بقي حبايبي علشان شد البشرة المياه مش قادره اقولكم مهمه ازاي ودايما اشربي كتير قبل أى وجبة
واللي عندها بطن وعايزاها تروح تشرب كل يوم الصبح ميه دافيه عليها نصف لمونه حتلاقي كله راح وابقوا ادعولي
ليكي يوم مفتوح كلي فيه كل شيء وباي كمية طول اليوم وما تخافيش
طبعا المشي مفيد جدا يعني لو مشيتي حتي 15 دقيقه كل يوم حتي لو جوه بيتك المهم الحركه وعلي فكره انتم ممكن تخسوا في الاسبوع خمسه كيلو انا بس اللي كنت بأتدلع لاني كنت عايزة انزل بس 6 كيلو وأجمل حاجه في النظام ده ان اللي بينزل فيه دهون مش عضلات واتاكدي بنفسك من اى ميزان بيقيس الدهون الحمد لله
يارب اكون أفدتكم واللي يعجبها موضوعي تقيمه علشان الكل يستفاد وادعولي بالستر والرزق والصحة
يارا فضل يارا فضل 433451_5.gif سوبر فتكات Fatakat 433451 دبي – الامارات