السلام عليكم يا بنات
انا اخدت وصفة الفسيخ من المدونة وعملتها وللأسف باظ
انا جبت الفسيخ من غير ما اغسله ووقفته علشان يصفى الدم بتاعه ليلة كاملة فى التلاجة علشان خفت اسيبه فى برة التلاجة والدنيا حر فالسمك ينتن وبعد كده جبت ملح على شطة وحشيت خياشيمه كويس جدا ورشيت الباقى فى الكيس البلاستيك ورصيت السمكتين عكس بعض ورشيت عليهم باقى الملح والشطة وقفلت الكيس كويس وحطيتهم فى اكياس كتير وحطيته داخل الفرن وبعدين سيبته اول 4 ايام بدون ما اجى جنبه وبعد كده كل يوم كنت باقلبه على جنب لمدة حوالى 15 او 17 يوم وجيت دلوقتى افتح عليه لقيته مش احمر زى الفسيخ العادى لقيه بمبى فاتح والسمكة نفسها مش طرية ومزبدة لكن ماسكة نفسها وجامدة شوية وواحدة منهم لحمها معجن ومهرى وبرضه لونه مش احمر ولقيت بطنه من الداخل لونها اسود وعلى لحم الفسيخة من الداخل لقيت نقط بيضة كتير
انا حاسة انه مش زى اللى شوفته فى الصور بتاعتكم وكمان مش زى اللى بنجيبه من برة ده مختلف ومش عارفة الغلط فى ايه ؟ هل كان عايز وقت زيادة علشان يستوى اكتر والا كان المفروض افتح عليه قبل كده بشوية والا كان عايز ملح زيادة مع انى لما دقته كان مالح بس كان فى طعمه نكهة كده غريبة شوية عن نكهة الفسيخ
ممكن حد يفيدنى ايه الغلط اللى انا عملته ؟ مواضيع هذا القسم برعاية
دانو سويت دانو سويت ممنوعة من المشاركة Fatakat 686360 القاهرة – مصر
سبحان الله و بحمده