ازيكوا يافتكات عجبنى الموضوع ده فى احد المنتديات فحبيت نشارك فيه كلنا لانه هيفدنا جميعا ان شاء الله وهيكون شامل كل فتوكه هتدخل هتجاوب لنا على الاسئله حتى نستفيد كلنا ونفيد بعض واعتقد ان ده هدفنا كلنا حتى الزائرين يمكنهم الاستفاده ايضا وممكن
تجاوبلنا مرتين لو اختك او احد معارفك قام بالتجربه
بسم الله الرحمن الرحيم
الاسم الحركى:wima1982
السن:28
عمر الزواج:6 سنوات
سبب تأخر الحمل :مشكله عند الزوج ومع الوقت اصبح عندى ضعف التبويض ولغبطة البريود
هل لديكى اولاد :بنت عمرها4سنوات و4 شهور
حصل حمل ولم يتم:لا الحمد لله
رحتى لكام دكتور:6 دكتور
افضل دكتور وعنوانه:للاسف مازلت ابحث لكن الدكتور اللى ارتحت معاه فى المتابعه د:اشرف قنديل مريح جدا وولادته ممتاز حتى ان جوز وانا باولد قالى ملحقتش اقلل بنتى طلعت فى 10 دقائق وانا بعدها ب10 دقائق عشان التعقيم والذى منه عنوانه الاسكندريه شارع45
التحليل اللى عملتها:اشعه بالصبغه للاطمئنان بعد القيصرى
ما الادويه اللى اخدتيها والمنشطات:اخدت كلوميد وابر فاستيمون لانى كنت ناويه اعمل تلقيح صناعى بس لم يتم التبويض كان ضعيف
المده التى استمريتى عليها فى العلاج:كلوميد شهرين وابر فاستيمون ثلاثة عشر ابره والواحده ب55 جنيه
عملتى تلقيح قبل كده:لا بس ناويه ان شاء الله
كام مره عملتى تلقيح:ولا مره
فى اى مركز وعنوانه:لما اعمل هاقول لكم
رأيك فى المركز:بالاسئله مركز جنين فى القاهره ممتاز وممكن تجربى العمليه تانى لو فشلت على حسابه مع دفع بعض الفلوس الزياده فى اول مره ولو نجحت الفلوس دى بتروح لواحده تانيه فى تكاليف عمليتها وده فى القاهره ومركز الدكتور اشرف ابو على فى الاسكندريه وكاشفه اول مره100 جنيه
وده عن تجربة اتنين ونجحوا والحمد لله كل منهم جاب توأم عقبالنا جميعا
اى اضافه تانيه:الى كل اخت مقدمه على التلقيح او الحقن
اولا :عليكى بالدعاء والاستغفار كثيرا والصدقه بعدالتوكل على الله طبعا
ثانيا :صلى استخاره واكثرى منها الله يحب سماع صوت عبده
ثالثا :اعلمى ان هذا رزقا ولو اجتمع اهل الارض ان يعطوكى اياه ماأستطاعوا او يمنعوه عنكى وتيقنى ان لهذا حكمه لا يعلمها الا الله سبحانه اللهم ارضنا بقضائك
رابعا :انا ذهبت للدكتوره ومن اول مره عطتنى الابر المنشطه للاستعداد للتلقيح وكان يجب عليها متابعة التبويض الاول وعليها تقرر العلاج اولا او اعطاء الابر للاستعداد للعمليه لكنها ادتنى الابر 13 ابره بوظت الهرمونات ولغبطت الدوره 3 شهور وماجتش والم فى عظمى فلا تستعجلى لو طلبت منك كده اطلبى منها متابعة التبويض اولا
اللهم انت القائل ادعونى استجب لكم وقلت واذا سألك عبادى عنى فانى قريب اجيب دعوة الداعى اذا دعانى
امن يجيب المضطر اذا دعاه ويكشف السوء
اللهم يامن اجاب نوحا حين ناداه اجبنا
ويامن كشف الضر عن ايوب فى بلواه
ويامن سمع يعقوب فى شكواه
ورد اليه يوسف واخاه
وبرحمتك ارتد بصيرا وعادت النور الى عيناه
اجبنا واشفنا ممن علينا بفيض جودك وكرمك يارب اجب لنا دعائنا من لنا غيرك ندعوه ونرجوه عبيدك سوانا كثير وليس لنا رب سواك ندعوه فأستجب لنا يارحيم
اخواتى الاسئله مش كتير ياريت كل اخت تشاركنا تكتب لنا عن قصتها ولها منا دعوه بظهر الغيب ان شاء الله
وجزاكم الله خيرا وحقق لكم ماتتمنوه
wima1982 wima1982 240648_5.gif فتكات غالية قوي Fatakat 240648 الاسكندريه – مصر