السلام عليكم ورحمة الله وبركاته
ازيكو يااحلى فتوكات
وحشتونى كتيييييييير اوى
بصو بقى انا من عشاق الحوواشى الاسكندرانى
بمووووووووووووووووت فيه وفعمايله
بس النهارده بقى انا عملته ومن نفس العجينة بتاعته عملت شوية معجنات فيها حركات
لانى بحب المعجنات جدا واحب اتفنن فاشكالها
ندخل عالمقادير ::
3 كوب دقيق
كوب حليب دافى
ملعقة كبيرة سمنة مذابة
ملعقتين زيت زيتون
ملعقة خميرة فورية
رشة ملح وسكر
هنخلط المكونات الجافة معا ثم اضبف السمن والزيت وادعك العجينة جيدا واضيف الحليب تدريجيا حتى تتجانس العجينة جيدا
وتكون ناعمة بالشكل ده
طبعا نسيبها تخمر حتى يتضاعف حجمها وتبقى بالشكل ده
وبعدين اقطعها كور على حسب عدد ارغفة الحوواشى اللى محتاجينها
وطبعا نكون مجهزين الحشو بتاعنا اللى هو عبارة عن
بصلة مبشورة
طماطم مقطعة مكعبات
فلفل اخضر بارد مقطع مكعبات
وممكن نضيف فلفل حامى لو حابين
وطبعا اللحمة المفرومة
وطبعا التوابل بتاعتنا ::
ملح وفلفل اسود وبهارات مشكلة وجنزبيل بودر وقرفة بودر بتديه ريحة حلوة اوى
هنخلط مكونات الحشو كلها فى بولة عميقة
ونكورها كور على حسب عدد ارغفة الحوواشى اللى هنعملها
ونبدأ نفرد كور العجين بالشكل ده
ونفرد فى نصها الحشو بتاعنا بالشكل ده
وبعدين نقفلها بالشكل ده ونقفل الاطراف كويس اوى علشان الحشو مش يخرج من العجينة
وبعدين ندهن الوش بزيت او حليب او بيض زى ماتحبى انا بدهنا حليب بخليها طرية جدا وووشها شكله حلو ورشيت عليها سمسم
ورصيتها فى صينية الفرن ودخلتها الفرن بعد ماولعته قبلها بفترة طبعا
وطبعا كنت مولعة الشواية
وطلع بالشكل ده
وااااااااااااااااااااااااااو
مش قادرة اقولكو كان حلو اد ايه شايفين بعد ماقطعته الحشو عامل ازاى ومستوى جدا
وكان اتبقى جزء مالعجينة ومن الحشو فقلت اعملها شكل تانى
فردت العجينة المتبقية مستطيل وقطعتها مربعات متساوية
وكل مربع عملته بالشكل ده وحطيت كورة من الحشو فالنص
وقفلت عليها الاطراف على شكل مروحة بالشكل ده طرف اه وطرف لا يارب تكون واضحة الفكرة
ورصيتهم ودهنتهم وعالفرن
وده شكلهم بعد ماخرجو مالفرن
ومربع تانى قفلته بالشكل على شكل قارب مربع وبردو الحشو فالنص
بس ورصيتهم فالصينية ودهنتهم وعالفرن
ودى بعد ماخرجت مالفرن بس اول ماخرجت اتاكلت على طول هههههههههههههه
جوزى مصبرش عليها هههههههههههه ودى اللى فضلت يتيمة ياحرام هههه
وخدى بالك مش بياخدو وقت خاااااااااااااالص
يارب يكون الموض عجبكو والفكرة تكون سهلة
واشوف ردودكو وتقييماتكو للموضوع
ولا تنسونا من صالح دعائكم
بحبكم فالله
السلام عليكم مواضيع هذا القسم برعاية
miro hani miro hani سوبر فتكات Fatakat 46101 DUBIE – UAE
