السلام عليكم ورحمة الله وبركاته
ازيكو ياقمررااااات
يارب تكونو بصحه جيده يارب
طبعا طبعا كلكو عرفتوا ان انا حامل الحمدلله
وعقبال كل مشتاقه يااااااااااااااارب
المشكله بقا ان وزني زاد اوي انا كنت دايما بعمل دايت ورياضه
لما اعدت في البيت بقي عشان الحمل ربنا مايوريكو ههههههههه
لا بجد بزيد بشكل وحش واصلا اصلا انا عندي السكر من زمان
المهم بعد مباحثاااات وتفحصااات وتمحصااااات
قررررررررررررررررررررت
وانا في كامل قواي العقليه ههههههههه
امشي علي نظام اللقيمات
بصراحه عجبني اوي اوي النظام ده لما قريت عنه
وبصراحه اكتر انا خسيت عليه قبل كده
وده الي شجعني اكتر
لقيته مناسب للحوامل بيخلي وزن الجنين يزيد بشكل طبيعي والام تحافظ علي وزنها وده الي احنا عايزينه مش اكتر
مش نفضل ناكل طول فترة الحمل ومن بعدها الرضاعه ونفشوووول ونرجع نعيط لو جوزك جرحك بكلمه ولا قاللك انتي تخنتي ليه
صح يابنات ولا كلامي في حاجه غلط؟؟؟؟؟
بس بصراحه محتاجه حد بس يشجعني عشان مااكسلش
محتاجه 5حوامل حلوين كده ومكلبظين يمشو معايا غلي الدايت ده
5بس عشان نحفظ بعض انتو عارفين الزهايمر ههههه
بس في شرط مهم
الالتزااااااااااااااااااااااااااااام
يعني مفيش واحده تدخل تسجل كده وهي شبعانه ومتحمسه ولماتجوع ترجع في كلامها يعني
انا هقول نظامي عشان الي مش عارفينه برضو اوكي
الفطار
اول ماتصحي من النوم اشربي كوباية شاي بلبن او نص كوباية لبن ساده
بعد نص ساعه(علي ماتظبطي السرير كده وتغيري هدومك وتتشطفي)
هناخد ربع رغيف بلدي او شامي او نص رغيف فينو او نص قرصه من الفرن فيها اي حاجه انتي عايزاها(جبنه..فول..طعميه..حلاوة..مربي..عسل)اي حاجه
كده تمام؟؟؟؟؟؟؟؟تمام
من الفطار بقي لحد الغدا بقي
كل ساعتين لقيمه (مش هنخليهم 3ساعات عشان الحمل بيخلينا نجوع)
يعني
هناخد ثمرة خضار او فاكهه او اي حاجه صغيره مثال(كوباية زبادي..نص كيس شيبسي..ربع شوكولاتايه..نص باكو بسكوت..نص طبق حلو يعني مهلبيه او رز بلبن او جيلي او كريم كراميل نص بس..او ربع رغيف بأي حاجه …نص كوباية لب او فيشار ..كوباية عصير بسكر عادي ..شاي بلبن..اي حاجه بلبن..كوباية زبادو)حلو الكلام؟
الغدا بقي او الي بيسموها الوجبه المفرحه
هتاخدي نص كوباية رز او مكرونه او نص رغيف عيش
+
نص كوباية خضار
+ربع كوباية لسن العصفور لو في
+
ربع فرخه او 2ق لحمه او2سمكه او2بيضه
+
كوباية ونص سلطه خضرا
طيب لو ماعنديش طبيخ يعني وعامله نواشف
هتقيسي اد كف ايدك(قطعة مكرونه بشامل او مسقعه بشاميل او رقاق او 2مثلث بيتزا او3مثلثات حواوشي او 5بطاطس محشيه لو صغيرة و3لو وسط و2لو كبيرة)
ونخلي عندنا كوباية ثابته للمعيار
وتاخديها معاكي في كل حته مش عيب عند ماما عند حماتك عند اختك
ومن الغدا لحد ماتنامي كل ساعتين برضو زي ماقولنا فوق(لقيمه)
كده واضح؟؟؟؟؟؟
طيب الملاحظات المهمه بقي
1*شرب الميه كتييييير هيحافظ علي بشرتك وجلد بطنك من التشقق وهيشبعك.
2*ماتضعفيش ادام الاكل افضلي تخيلي نفسك كده بعد الولاده وانتي رشيقه وجسمك حلو.
3*انا مخلتش نموذج للاكل ماقلتوش لكن لو عندك اي سؤال انا معاكو كل يوم ان شاء الله تعالي.
4*خلي اخر لقيمه قبل النوم بساعتين.
5*طبعا كل مابطنك بتكبر اكلتك بتقل فالنظام ده مناسب اوي دلوقتي لانك بعد الولاده هتلاقي نفسك اتعودتي علي الكميه دي وهيبقي سهل عليكي تكملي.
6*لو نفسك في اكل معين انا ماذكرتوش اسأليني عليه هقولك تاكلي منه ازاي.
7*اي مشروب بسكر يعتبر لقيمه ومن غير سكر او لبن هيبقي كأنك ماشربتيهوش يعني عادي جدا.
8*الاستغفاااااااااااااااار يوميا بنية تقليل الوزن واننا نقوم بالسلامه.
9*هو المفروض المقليات ممنوعه اول 3شهور لو قدرتي خير وبركه ماقدرتيش يبقي خلاص كلي منها قليل اوي من نفسك يعني عشان بس احنا حوامل وماينفعش يبقي في حاجه في نفسنا.
10*مفيش رياضه دلوقتي عالاقل بالنسبه للي لسه في الاول الي عدوا الخامس بالسلامه انزلي لو تقدري اتمشي علي خفيف مش تجري هههههه.
انا كده خلصت المطلوب بقي
الاسم والسن والوزن وحامل في الكام
هناخد5بسسسسسسس وبعد كده هقفل الاشتراك عشان محدش يزعل والي مش هتكتب تقريرها يومين ورابعض هبعت لها انذار عالخاص وبعدين هشيلها وادخل حد مكانها
يلا مستنياكووووووو
انا:مشمش
27سنه
حامل في اخر التالت
الوزن 90ك للاسف
القطه المشمشيه86 القطه المشمشيه86 515684_2.gif سوبر فتكات Fatakat 515684 القاهرة – مصر