[CENTER][SIZE="6"]السلام عليكم
كل سنة وكلنا طيبين وبخير ويارب نقوم كلنا بالسلامة
كنا عايزين ندردش شوية مع بعض والكلام بالنسبة للى فى الشهر التامن
يعنى كل واحدة تقول ايه الاعراض الجديدة اللى حسيتها من اول التامن
وكمان ناوين على الصيام ولا ايه واخر مرة كنتى عند الدكتور امتى
وناوية تروحى تانى امتى وكل اللى نفسك تقوليه قوليه
وعلى فكرة دا مش موضوع تجمع ولا حاجة علشان الادارة متقفلهوش
دا مجرد دردشة
انا هبدا بنفسى
انا بفضل الله النهاردة فى نص التامن ومن ساعة مبدا وانا لاحظت شوية خبط تحت
على شوية مغص على وجع فى ضهرى وانا عارفة ان الاعراض دى كلها اسمها تفاسيح
بس امبارح بقى لاقيت حاجة غريبة حسيت ان صدرى تقل شوية
وبعدين ببص لاقيته زى ميكون مجير وملمسه كانه مدهون حاجة
افتكرت انى قريت هنا قبل كدة ان ممكن اللبن ينزل من الشهر التامن
بس مش هو دا لبن الرضاعة مش عارفة دا حقيقى ولا ايه
انا كنت عند الدكتورة اخر مرة فى نص السابع
وان شاء الله ناويه اروحلها لما اخلص عشرين يوم من التامن
اما بقى بالنسبة للصيام بصراحة ربنا انا حاسة انى مش هقدر نهائى
لانى اصلا فى الايام العادية لو مفطرتش الصبح اى لقمة بحس انى دايخة جدا ومش قادرة اخد نفسى
لونى فى الاخر ممكن والله افطر ربع رغيف بجبنة بس دى بالنسبالى زى سند
انتوا بقى ايه النظام معاكوا وربنا يكملنا حملنا على خير[/center][/size]
ام الملائكة الثلاثة ام الملائكة الثلاثة 798875_2.gif فتكات رائعة Fatakat 798875 القاهرة – مصر
سبحان الله و بحمده