بمناسبه الشتا والايام البرد دى فتقريبا حمص الشام بيبقى اساسى فى بيتى
انا بعمله بطريقه سهله وبيطلع زى اللى بيتباع بره واحسن
كوب ونص حمص الشام (بلدى -مستورد) مش فارق
ملح وكمون
شطه وليمون
معلقه صلصه
طماطمايه مضروبه فى الخلاط مع فصين توم بشويه ميه صغنونه ونصفى الخليط ده بمصفاه المشروبات السلك فى طبق ونركنه على جنب
ننقع الحمص حوالى من 3 الى اربع ساعات وبعدين نصفى ميه النقع
ونجيب حله ونحط فيها الحمص على ميه عشان نسلقه كويس
قبل تمام النضج باضيف الملح لان اضافه الملح من الاول بتطول مده الطهى
بعد ما نظبط الملح نضيف الكمون ومعلقه الصلصه
والطماطمايه اللى كنا صفيناها وانا بحب اصفيها لانى مش بحب الاقى تفل طماطم ولا توم مفتت وانا باشرب
طبعا بيضاف شطه وليمون حسب الرغبه
ودى الصور من مطبخى راسا اليكم
بصو يا بنات لون الميه وبعدين باتوصى بالحمص ازاى شوفو الكرم هههههههههه
يالله سلاام يا قمرات واللى يعجبها الموضوع يا ريت تقيمه ولو ان ردودكم الرقيقه تكفينى
مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر