اهلا بقمراتنا الحلوين ..طبقى النهاردة حمام محشي رز بالمكسرات مع الكبد بتاعة الحمام نفسه والقوانص بتبقى حلوة اوي يارب يعجبكم
بس الاول نصلي على كريم الخلق والاخلاق محمد
طيب طبعا قبل ما نبدأ لازم ننضف الحمام ونغسله كويس اوي واخر الموضوع هاحط لينك لتنظيف الطيور
نجيب كبد الحمام والقوانص نقطعها صغير وننزل بيها في معلقتين سمنة سخنة واضيف بصلة متوسطة مقطعة صغير
واقلب شوية لحد ما يبقوا نص سوا .. واضيف جنزبيل طازة مبشور ده مكوني السري لكل الاكلات روعه
بس شوفوا مبشرتي الكيوت دي
ابشر الجنزبيل واضيفه للكبدة بعد ما تستوي واخلط الكبدة على الارز للي عاوز يلون الارز ممكن تضيفي شوية كركم يدي لون اصفر
وممكن لحد هنا تكتفي بالحشوة بس من غير المكسرات بس انا بحب اضيفها
اقلب الخلطة واضيف المكسرات
ممكن لوز او بندق وصنيبر مع حبة زبيب
انا حطيت بندق وزبيب ومكانش عندي الصنيبر ضيفت سوداني
وابدا احشى الحمام بمعلقة صغيرة عشان يسهل معايا
وانتي بتحشي اعملي حسابك ان الرز هايزيد معاكي ف ما تمليش الحمام اوي خلى فراغ صغير شوية
واحطي يستوى مع بصل وطماطم وفلفل اسود وحبهان واللي بتحبي تضيفيه لنكهة الشوربة
وبعدين يتحمر وتقلبيه على كل ناحية شوية وانتى بتحمري
ويقدم بالف هنا
لينك تنظيف الفراخ والطيور
https://fatakat.univanet.com/#5161542
انا كده خلصت تقبلوا ارق تحياتي
مواضيع هذا القسم برعاية
لورا بيسان لورا بيسان 812709_29.gif فتكات غالية قوي Fatakat 812709 بيتي – egypt