السلام عليكم ورحمة الله وبركاته
انا كان نفسي اصور الاكل بس بعتذر علشان لان مكنش معايا فون بالكاميرا
اولا انا ليا في المطبخ عادى بس بسبب شغلى ماما عليه الاكل وانا بروح اروق
المهم
حماتى كلمتنى وقالتلى في وسط الكلام ان مرات
ابنها التانى بتعمل مكرونه بالبشامل تحفه
وبهزار قالتلى اما اشوفك انتى هتكونى تحفه في ايه
انا بداءت عندى غيره بس غيره شريفه عفيفه هههههه يعنى مش عايزه يتعيب على اكلى
فضلت افكر واختار بين اكلات هنا في فتكات وتجارب البنات
لقيت اخت ربنا يكرمها عامله كردون بلو بطرقتين انا اخترت التحمير
بس قولت هجربه الاول
بدل ما اجرب في الناس
المهم بعت اخويا جبلي بانيه من عند بتاع الفراخ
اشتريت وانا مروحه
1- جبنه شيدر
2- جبنه رومى
3- زيتون ومشروم ( بس مش استعملت المشروم )
4-لانشون حلاونى
جبت واحده بانيه
وحطيت عليها شريحة شيدر وشريحة لانشون
وبعد كده عملتها بالبيض ثم الدقيق ثم الفيجتار ولفتها بورق فويل
ورحت حطيها ساعتين في الثلاجه
طلعتها حمرتها طلعت من جوا نايه
روحت فكرت في فكويره الاول جبت بصل واشتريت من السوبر ماركت
حبه توابل اسمهم توابل فراخ وجبت خل وفرم البصله وحطيت عليه فنجان خل
وطبعا المللللللللللللح وحبه توابل ومعاها توابل الفراخ دى
وسيبتها لتانى يوم اما اشوف اخرها ايه
ونفس التتبيله دى كانت للفراخ برضو بس باختلاف المقادير
الكلام ده كان يوم الاربع بليل العزومه كانت يوم الجمعه
والفراخ حطيها في الفليزر بعد ما اتبلت
المهم بقي يابنات
جيت تانى يوم الى هو الخميس طلعت البانيه كان على الرف في الثلاجه عادى
ولفيت كل واحده وقفلتها بلخله بتاعت السنان الى هى الخشب دى ( سلاكه السنان )
ولفيت كل واحده زى البونبونى كده في على الحروف
ورحت حطيت مياه على النار فيها بصل مقطع اربع ومرقه دجاج وتوابل وملح
واول ما غليت حدفت فيها الكردون بلو الى انا عملته
يادوب من 5 دقائق الى 10 دقائق على النار
ورفعت في مصفا بعد كده واول ما بردو دخلت في التلاجه لتانى يوم
تمام واشتريت وانا مروحه شوووووووووفان سر خلطة كنتاكى وده انا غشيته من هنا
برضو والله خيركم مغرقنى ياجدعان هههههههههههههه وشي منكم في الارض
وجبت طبق فيه بيض وطبق تانى خلط فيه حبه دقيق على فيجتار على شوفان
وحمرت بقي الفراخ طبعا سلقتها وبعد كده حمرتها وكذلك الكردون بلو وكمان البانيه
ماما عملت طبعا جلاش باللحمه عادى
وانا عملت المكرونه بالبشامل عادى
بس بقي المفجاءه الى انا كمان اتفجات بيها عملت رز بالكركم رز بسمتى
وبعد ما استوى لقيت عندنا زبيب اسكت لالالا ابدا
حطيت عليه زبيب وسبت النار ولعه على الهادى لمده 5 دقائق علشان الزبيب يتجاوب كده مع الارز هههههههه
وطبعا محدش ينسي تزويق الاكل اشتريت بقدونس وفي نص الطبق حطيت نص ليمونه
في الفراخ والبانيه والكردون دون بلو
كان نفسي اجيب صور بس المره الى جاه باذن الله
خلاص بقي ما انا هكون هنا دفعتكم يا اجدع الطباخين
يالى خليتو حماتى تقولى االعزومه بتاعتى بقي انتى اعملى حسابك تيجى بدرى علشان تطبخيلي
وخطيبي قالى انا كده مش قلقان على نفسي الاكل تحفه
تعرفو رغم ان بعمل اكل كتير
بس الاكله دى كانت مختلفه وتحفه كماااااااااااااااااان
وهقول الاكله على بعضها
1- مكرونه بالبشامل
2- فراخ متحمره بالشوفان والدقيقي والفيجتار
3- بانيه متحمر بنفس الخلطه
4- كردون بلو بنفس الخطله برضو
5- جلاش باللحمه
6- لسان عصفور
7- سلطة خضراء
8- ارز بالزبيب والكركم
ربنا يخليكو ليا
ادعولى انا هتجوز 3/2/2016 مواضيع هذا القسم برعاية
ميمي اهلاويه ميمي اهلاويه 277492_7.gif سوبر فتكات Fatakat 277492 في وسط اهلى – القاهره