السلام عليكم ورحمة الله وبركاته
أخباركم يا احلى فاتوكات .. واحشتونى اوى
انا بقالى فترة طوييييييييييلة مادخلتش … بس الى كنت فيه يارب محدش يشوفه يارب
احكيلكم
انا كنت حامل فى الطفل التانى … وفضلت سنة وانا بسعى للحمل وبعدين عملت أشعة بالصبغه وربنا كرمنى بالحمل
من اول الحمل وانا تعبانه وقلقانه وبأخد مثبت وحملى ده كان غير الحمل الاول تماما وبقيت اقول يمكن يكون السبب انه ولد والمرة الاولى كانت بنت
والدكتور برده طول الحمل وهو بيقولى الجنين حجمه كويس
كلى كويس
وكنت بأكل غصب عنى والله علشان خاطره وبرده اروح اعمل سونار الاقى حجمه صغير
وقلت مش مهم ربنا يجيبه بالف سلامه ولما ييجى يرضع ويكبر
والدكتور فى اول التاسع قالى هتولدى قيصري لأنك والده المره الاولى قيصري … قلت ماشى
وحددلى فعلا ميعاد … اليوم 19 من التاسع
وولدت الحمد لله وكانت الولادة كويسة والبيبي حجمه صغير بس كويس
لحد بعد الولادة بيوم لما ظهرت عليه الصفره ورحنا حليلنا ولقينا النسبة 14 والدكتور قالنا لازم يبات فى الحضانة انهاردة
وانا بقى انهاااااااااااااارت وكنت لسه والده قيصري بقالى يوم وكنت بجرى على الحضانات ومكنتش ببطل عياط
وقعد حبيب قلبى فى الحضانة 4 ايام وكانو اسود ايام حياتى ومكنتش ببطل عياااااااط ليل ونهار وكنت تعبانه جدا
المهم الحمد لله طلع وكان برده لسه مش طبيعى … دايما نايم ومش بيرضع ووشه لسه اصفر
وجيت على اليوم 15 من بعد الولادة (يوم السبوع بتاعه ) وتعب جدا وفضل نايم ووشه اصفر وعمال يتنفض وبصحيه مش بيصحى
وروحنا كشفنا عليه ونفس الشئ عملنا تحليل وطلع النسبة عالية 21 وبرده الدكتور قال لازم يبات فى الحضانه
ونفس الى حصل فى المره الى فاتت
بس المره دى بقى انا ما استحملتش
وبعد ما هو دخل بيومين تعبت انا جدا جدا … وعملت عملية الزايدة وانا عمرى ما كنت بشتكى منها .. والدكتور قال ده من كتر الضغط على اعصابها القولون أتأثر وبالتالى الزايدة
وطلع حبيب ماما بعد ما انا طلعت من المستشفى بيوم
والدكتور قال لازم يرضع صناعى لأن انا لبنى تقريبا نشف والدكتور قال لاااااازم يرضع بأنتظام
وفعلا تقريبا بقى بيرضع صناعى بس وانا بأخد أدوية تزود اللبن وبشرب مشروبات طوووووول النهار علشان اللبن يزيد
انهاردة بقى روحت انا افك السلك وبنتى تعبانه خدتها نكشف عليها وخدت ابنى علشان نكشف عليه
وحليلناله لقينا النسبة عليت تانى … 11
الدكتور قال ممكن يدخل الحضانة وممكن يفضل فى البيت بس يأخد العلاج ووقفى الرضاعه الطبيعى فورا لأن ممكن يكون ده سبب انها بتزيد تانى بعد ما بيطلع من الحضانه
انا والله يا جماعه بحمد ربنا على كل الى ربنا يجيبه …
بس انا عايزة افهم هو فعلا فيه حاجه اسمها ان لبنى ممكن يزود نسبة الصفرة ؟؟
وانا كده مش هرضعه تانى … الحكاية دى تعبانى اوى
ومرعوووووووووبة يا بنات يروح الحضانة تانى
اعصابى تعبت والله
انا اصلى من الستات الى عيانة بعيالها … بحبهم بجنون ومش بستحمل عليهم حاجه ولا بستحمل بعدهم عنى
ده لما كان فى الحضانة كنت لسه ما فكتش السلك وكنت بروحله كل يوم اطمن عليه
انا خايفه اوى ومش فاهمه حاجه
ونفسي اعرف اييييييه السبب
قالو تضارب فصايل وقالو اتولد قبل ميعاده
والغريبة ان حملى فى بنتى كان كويس جدا وكانت مولوده كويسة جدا وماجلهاش الصفره
أدعوله ربنا يشفيه ويباركلى فيه
سحورة الحبوبة سحورة الحبوبة 187489_5.gif فتكات رائعة Fatakat 187489 مملكتى الخاصة مع بنتى وجوزى حبيبى – الكويت