بصو يا اخواتي كل سنه وانتم طيبين ربنا يعيد علينا وعليكم الايام بخير يارب الطريقه دي سهله جدا وحتعجبكم ان شاء الله جيبي 2 كيلو لبن وممكن 2كيلو ونص وتغلي اللبن وبعدين تسيبيه لحد لما يبقي فاتر وتكوني مسخنه الفرن كويس وانتي بتشتغلي وتجهزي صينيه وترصي فيها الكوبايات تقريبا يبقو من 13لي 14 كوب وتجيبي كوب زبادي جاهز من اللبان وتضيفيه علي اللبن الفاتر بصو بقي انا عندي خلاط الطويل اللي بتحطيه في الاناء وتضربي بيه ولو معندكيش حطي شويه لبن صغيرين في الخلاط العادي وعليه كوب الزبادي وخفقيه جيدا وبعدين صبي الخليط عاللبن الموجود وده عشان نضمن ان كوب الزيادي الخميره امتزج بكل اللبن وبعدين بالكبشه فضي في الكوبايات اللي في الصينيه واطفي الفرن ودخلي الصينيه بتقعد حوالي 4 ساعات وبعدين حطيه في التلاجه بس لما تتاكدي انه جمد ولو لسه سيبيه شويه في الفرن المطفي طبعا طريقه الخلاط دي من اختراعي علشان كان دايما يبقي فيه ميه والخميره مش بتمتزج مع اللبن وده بيخلي الزبادي يفشل الحاجه التانيه للفشل لما تحطي كوب الزبادي عاللبن وهوه سخن ده اللي بيعمل ميه ويخلي الطريقه تفشل يارب تجربوها وتعجبكو وكل سنه وانتم بخير مواضيع هذا القسم برعاية ملكة المشاااعر ملكة المشاااعر 117559_1.gif Fatakat 117559 القاهره – مصر
