حبيباتي ازيكم عاملين ايه
يارب تكونوا بالف خيييير
النهارده ان شاء الله غدانا
حمام محشييييييييي رز
وورق عنب بارد على الطريقه اللبنانيه
نبدأ على بركه الله بالمحشي:
المقادير:
نص كيلو ورق عنب مسلوق في شويه ميه بزيت
3 طماطم مقطعين مكعبات صغيره
حزمه بصل اخضر مفرومه
حزمه نعناع اخضر مفرومه
كزمه كسبره مفرومه
كوب الا ربع زيت زيتون
نص كوب عصير ليمون
ملح وفلفل وقرفه ونعناع ناشف
الطريقه :
نخلط مكونات الحشو كلها مع بعض
((الخضره والرز والطماطم والبهارات
ونص كميه الزيت ونص كميه عصير الليمون ))
بالشكل ده:
نبدأ نحضر الحله
نرص في قعرها جزر وبطاطس شرايح
او بطاطس بس او جزر بس
نلف الورق كله لحد ما تنتهي الكميه
يرفع على النار ونضيف شوربه
او اي مرقه عندك بحيث انها تغطي الورق
ب سم تقريبا
ناخده غلوتين وبعدين نضيف الزيت والليمون
ونتركه على نار هاديه من ساعه الى ساعه ونص
تقريبا لحد السواء ثم يترك ليبرد تمامااااااااا
والافضل انه يدخل التلاجه
لانه بيتاكل باااارد وممممممم على طعمه وريحته
جنااااااااااااااااااااااااااااااان
شوفوا كده
ولا اقولكوا خليها بعد الحماااااااااااااااام
********************
ندخل على الحمااااااااااااااام
المكونات:
حمام على حسب افراد الاسره
للحشو :
رز مصري لكل حمامه كبشه صغيره في راحه ايدك
بصله مفرومه
ملح وفلفل وقرفه
وزبيب ((اختياري))
للسلق:
بصله
3 فصوص ثوم شرايح
قطعه جنزبيل صغيره شرايح
فلفله رومي
ورق لورا
حبهان
قرنفل
فلفل
ملح
كسبره خشنه
الطريقه:
نشوح بصله الرز ونحط معاها الزبيب
وبعدين نحط الرز والبهارات الفلفل والقرفه والملح
وميه توصل لاعلى من مستوى الرز ب 1 ملم
ويغلي ونوطي عليه عايزينه يستوي نص سوا
بالشكل ده
نبدأ نحشي الحمام من جوا وما نحشيش اوي
عشان الرز يستوي واللحم كمان يستوي
يعني خليه على راحته خاالص
وتروحي مدخله الرجلين جواها عشان يقفلوا على الرز
ونحشي الرقبه ولو تحبي بين الجلد واللحم
بس حطي طبقه رقيقه من الرز عشان متفرقعش منك
وكده خلصنا الحشوووووووووووو
في الحله نشوح البصله والثوم والجنزبيل والفلفل
والبهارات الصحيحه:
اللورا والحبهاتن والقرنفل والفلفل والكسبره
ونحط معاهم الكبد والقوانص والقلوب
بالشكل ده
نزود ميه ونسبها تغلي
بعد كده نحط الحمام
ونسيبه على النار لمده لا تقل عن نص ساعه
وكده بعد ما استوى
واااااااه على ريحه الشوربه
نصفيه من الشوربه
ونحمرررررره ونقدمه بالشكل ده
وده
ومعاه ورق العنب اللذييييييييييييذ
بس كده لو تحبي حمري شويه شعريه
واسقيهم بشوربه الحمام
طعمها خيااااااااال بجد
اتمنى ان اكلنا يكون عجبكم
اشوفكم على خيييييييييييييييييير
مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه