السلام عليكم
انا يا بنات عملت تحليل الدم الرقمى من 3 ايام و الحمد لله طلع 1.95 يعنى مش حامل
و انا البريود جت الشهر اللى فات يوم 122 و نزلت بدوا اسمة ستيرونات الدكتور كتبهولى بعد ما البريود اتأخرت شهرين من غير حمل
انا مش عايزة اروح للدكتور تانى و خايفة ان الدورة بردة تتأخر الشهر دة
و عندى وسواس كالعادة ان يكون التحليل غلط مع انى مش حاسة بأى اعراض دلوقتى نهائى و لا حتى اعراض البريود
حتى لون البول اللى كان غامق و مشككنى انى حامل بقى لونة فاتح تانى خلاص زى ما تكون كانت حالة نفسية عشان اقنع نفسى انى حامل
انا حاسة كدة و الله اعلم ان الدورة هتتأخر تانى و مش حمل
يا ترى ممكن اخد الدوا اللى اسمة دوفاستون دة من نفسى اللى الفتوكات بيقولوا علية ان لو حمل بيثبت و لو دورة هتنزل؟
و اخدة لمدة كام يوم بالظبط و امتى و كدة.. و هل فى ضرر انى اخدة من غير ما ارجع للدكتور؟
و هل فية حاجة ممكن اشربها طبيعية تنزل البريود بس غير القرفة طبعا؟
و هل حد كان عمل تحليل دم رقمى و طلع سلبى و طلعت حامل بعد كدة؟؟ مع ان التحليل الرقمى مبيكدبش..
دة تعديل عشان اوضح للجميع من شهرين عملت عملية منظار رحم و بطن و الدكتور شال تكيسات و اكياس و لحمية و حاجز فى الرحم قاسم الرحم اتنين
و من بعد العملية و الدورة مجاتش عشان كدة رحتلة عشان يدينى دوا
لو ممكن اعمل تحليل هرمونات يبقى التحليل اسمة اية بالظبط و بيتعمل بكام بعد اذنكم و بيتعمل امتى؟
مدام راغب مدام راغب 538876_1.gif فتكات ست الكل Fatakat 538876 كل المدن – مصر