السلام عليكم ورحمة الله وبركاته
عملت الموضوع دا عشان اريح ضميرى امام الله
اول حاجة انا كنت بعمل ريجيم روحت عند العطار جبت شاى اخضر وجبت زنجبيل بالقرفة وزنجبيل بالليمون المهم بقى سألت العطار عندك حاجة تسد الشهية قالى عند حاجة للتخسيس قولتلو اسمها ايه قلى حب الملوك قولتلو ماشى هاتلى كمية صغيرة اجربها واخدت الكيس فى حاجة كدا زى البذور شبه حبة القهوة المهم لما روحت ماارتحتش ليها عملت بحث عنها بالعربى لاقيتها بتعمل اسهال قولت مش هاخدها المهم انا ماقولتش لماما انى جبت حاجة اسمهاحب الملوك بعد كدا حصل حالة وفاة عندنا وماما قاعدة بتتكلم عن ابن خالتى الى مات وقالت اخد حب الملوك وعملت معاه نزيف شديد وحتى لما مات كان بنزف لدرجة غيرو الكفن 3 مرات المهم انا اتصدمت وحمدت ربنا انى مااخدتش منها وربنا سترها بجد والحمدلله المهم بعدها قولت هعمل عنها بحث بالانجليزى وانا اصلا صيدلانية المهم لاقيت اسمها اللاتينى euphorbia lathyris poisonous كلمة poisonous معناها ساااااااام يعنى اصلا من اسمها بس اتعرفت انها سامة وبعدين لقيت خصائصها الكميائية :جميع أجزاء النبات، بما في ذلك البذور و الجذور هي سامة . قد يسبب تهيج الجلد المناولة كما ينتج المصنع مادة اللاتكس . في حين سامة للإنسان ومعظم الماشية ، الماعز تأكل أحيانا وتكون في مأمن من السم . ومع ذلك، يمكن تمرير السم من خلال حليب الماعز
يعنى كلها على بعضها سامة
المهم النبتة دى كانت تستخدم كمسهل فى حالة الامساك الشديد جدا وبكمية محدودة جدا احنا الى بنعملها يعنى الصيادلة بس لحد دلوقتى مافيش دكتور فالجامعة عندى قال عنها حاجة او حتى اناه بتستخدم كمسهل حتى لانها فعلا سامة
الخطر بقى انها موجودة فالعطارة عادى خالص ولازم اى حد يعرف عطار يقولو عنها
كمان امبارح سالت عطار عنها قالتلو هى حب الملوك بتستخدم فالتخسيس قلى اه فى ناس بتستخدمها فى التخسيس قولتلو انت عارف انها سامة ومش كويسة قالى اه انا عرفت انها سامة قولتلو ازاى ماتقولش للناس انها سامة سكت بقى وحسيت يعنى انه قصده اهو رزق ليه وخلاص
فياريت الى يعرف حد يقولو عليها ويقول للعطار انها سامة وهحط لينكات للى عايز يتاكد فى بالانجليزى والعربى
1*** https://en.wikipedia.org/wiki/Euphorbia_lathyris(ط§ظ†ط¬ظ„ظٹط²ظ‰)
https://translate.google.com.eg/trans…d=0CCsQ7gEwAA&
prev=/search%3Fq%3Deuphorbia%2Blathyris%2Bpoisonous%26hl %3Dar%26biw%3D1138%26bih%3D519%26prmd%3Dimvns
(عربى )
يارب الموضوع يتنشر عشان الكل يستفاد
dr.bero0o dr.bero0o 291448_2.gif فتكات نشيطة Fatakat 291448 القاهرة – مصر
سبحان الله و بحمده