السلام عليكم ورحمة الله وبركاته
ازيكم يافتوكات يارشيقات المستقبل باذن الله
انا كتبت الموضوع ده عشان لقيت ناس كتير اوى فى القسم بتكتب
انا مقللة الاكل اوى ومش بخس
انا حرمت نفسى من الاكل ومش بخس
انا هارية نفسى رياضة وايروبكس ومبكلش ومخستش الا كيلوا
انا
انا
انا
وبعدين حاسة انى بسمع اغنية
ابص لروحى فاجئة لقتنى طخنت فاجئة
تعبت من المفاجئة ونزلت دمعتى
حلوة هااااااا
خلاص خلاص متديقوش حقولكم المشكلة فى ايه
اولا يافتوكات كل ماتكلى اكتر كل مافرصتك فى النزول تكتر
يعنى العبرة مش بالحرمان والجوع
الحرمان والجوع بيولد الانفجار وخصوصا لو طلعتى على الميزان
:
لانك بتحسى انك خسيتى فى الهدوم وتيجى تقيسى وزنك تلاقيه هو هو او اتحرك كيلو او اتنين بالعافية
فاتقولى يالا فى ستييييين داهية انا حارمة نفسى على 2 كيلوا
لا انا حشوف رجيم تانى اسرع بيخسس 40 كيلو فى اسبوع ههههههههه
اولا لازم نتفق على حاجة
الاكل الكتير بيطخن والاكل بحرمان برضه بيطخن لان اى حاجة حتحطيها فى بقك جسمك حيعمل زى الجمل ويخزنها
لانه ببساطة محروم منها
طيب تعملى ايه ..
:
تاكلى كل ساعتيين حاجات مبطخنش
تصحى تدبيها على الصبح وتكلى اللى انتى عايزاه اوعى تقومى من على الفطار جعانة
يعنى لو اكلتى بيضة فى ساندوتش ومعاهم كوباية شاى باللبن حتحسى انك شبعتى حلو
بعد ساعتين حتى لو مجوعتيش تاكلى برضوا اى حاجة المهم بقك ده مايسكتش
يسكت بس قبل ماتنامى بساعتين
وخلى فى ايدك ازازة ميه حتلاقى نفسك عطشانة مش عطشانة بتشربى وكل ماتخلص امليها اوك
اكيد اوك
تانى معلومة الرياضة والايروبكس
خدى باللك اوى اوى اوى معايا
عايزة تحسى انك بتخسى امشى بس متلعبيش رياضة
ايون
ابون
بصى ياستى طول ماانتى بتلعبى ايروبكس او رياضة فيها احماء للعضلات بصور مركزة
زى تماريين الرجل والذراع اللى بتركز على عضلات محددة
العضلة بتنفش مكان الدهون وتفضل تتعارك معاها ياانا ياانتى هنا
الدهون بتستسلم بسرعة لكن العضلة بتنفش مكانها
وبالتالى لما بتقيسى نفسك على الميزان بتلاقى نفسك مخستيش
لان ببساطة فى حاجة تانية حلت مكان الدهون
ده مش وحش بالعكس ده كويس جدا
بس فى اول الرجيم بيبقى احباط جااااااااااااااااااااامد جدا
يعنى لو اكتفيتى بالمشى فى اول الرجيم حتحسى بالاختلاف الجامد على الميزان وده حيشجعك
وده السبب فانك تلاقى واحدة تقول ده انا كل يوم بلعب ساعة ونص رياضة وحارمة نفسى من الاكل
وفى الاخر مخستش الا كيلو
لا هى خست اكتر بكتيييييييييييييير من كيلوا لكن العضلة نفشت وعملت وزن زيادة
:
وعشان كدة الميزان مش مقياس للخسسان لو بتلعبى رياضة كتير جدا
اما بالنسبة للفتوكات اللى اوزانها فوق ال100 متلعبش رياضة الا اول ماتنزل لل100 ولاحتى المشى
لان ده ممكن ياثر على ركبتها لانها بتحمل جسمها كله على رجلها وبالتالى تعمل رجيم لحد ماتوصل لل100 وتبدا تمشى
ياااااااااااارب اكون افدتكم
وعرفتوا ايه سبب حرمان نفسك من الاكل وتمويت نفسك فى الرياضة
وفى الاخر مبتحسيش بفرق والميزان بيتحرك بالعافية
بسنت 86 بسنت 86 images/flowersavatars/avatar0025.jpg فتكات رائعة Fatakat 517460 جدة – السعودية