سلام عليكم يا فتوكات
جبتلكم شوية من رفايع جهازي والاسعار و السعر معظمهم زوق ماما ربنا يخليهالي بارب و تفرح بيا عن قريب
ادعولها يديها الصحة هي و والدي و صلوا علي النبي علشان ناخد الثواب
هزعل بجد لو محدش قيم و مستناية رأيكم بصراحة
ده طقم معالق بالأستند ب 154 جنيه من ناصر الشربيني استنالس 18/10 مبيلزقش فيه مغناطيس
طقم كاسات 18 قطعة ب 100 جنيه من ماكرو أيام ما كان فاتح بعدها بيومين رحت اجيب حاجات تانية لاقيته ب 150 الحاجات بتغلي جامد يا بنات بجد رأيكم فيه ايه؟
طقم توابل ماما اختارتهولي ماركة الأندلس لونه رقيق جدا و نقشته هادية مرضتش اجيب الاسترسات لان الفصوص بتقع
رأيكم فيه ايه من ناصر الشربيني
طبق فاكهة للمطبخ زجاج ب12 جنيه من ناصر الشربيني
طبق فاكهة بورسلين ب 70 من ماكرو
طقم تلاجة بورسلين ب 25 جنيه رقيق اوي من ناصر الشربيني رحت بعدها لاقيته ب30
طقم جاتو للمطبخ انا الي كونته مش هتصدقو بكام الست اطباق الصغيرة لاقتهم في محل ب 6 ونص و الطبق الكبير شوفته في حتة تانية ب 6 ونص يعني ب 13 جنيه الطقم كله
3 مجات الواحد ب 7 ونص بمعالقهم
اسالكم بأه لو جبت شوية مفروشات دلوقتي يجرى حاجة؟ مع العلم اني لسه متخطبتش بس احتمال يكون فيه قريب
Princess Yasmina YYA Princess Yasmina YYA 818304_3.gif فتكات رائعة Fatakat 818304 Cairo – Egypt