انا كنت ناوية ادخل اعمل فول بطماطم وبطاطس محمرة واكبر دماغى كامنش ليه مزاج اعمل اكل خالص دخلت المطبخ بعيد عنكم لقيت ايدى ماشية لوحدها بطلع كيس لحمة من الفريزر وبتفتح التلاجة وبطلع كل اللى فى درج الخضارو وولعت الوتجاز وفى الاخر طلع الاكلة اللى هوريهالكم دى والله ياجماعة داخلة المطبخ ومش ناوية اعمل غير الفوووووووووول ايدى عليها عفريت
الاكلة دى اختراعى واللى ناوية تلطش الالكة تقولى عجبتها ولا لآ بالادب عشان انتم عارفين ايه ممكن يكون عقابكم
اديكم شوفتوا بعيونكم
المهم ندخل على الاكلة بصوا بقى اناا طبعا مش مصورة كل الخطوات عشان ماكنتش عارفة هى هتطلع ايه اصلا
انا جبت اللحمة وقعتها مكعبات صغيرة اد بتاعة الرز المعمر فى حلة صغيرة شوحت بصلة صغيرة وبعدين نزلت لاللحمة اديتها صدمة الاول وبعدين قلبتها لحد مالونها اتغير حطيت كوب ماء عليها وتركتها لحد ماتستوى خالص اول ماتكون اتستوت قطعت فلفلة كبيرة مكعبات كبيرة وبطاطسية قطعتها برده مكعبات عشان تستوى بسرعة وبلاش نحطها مع اللحمة فلا الاول عشان اللحمة بتاخد سوى اكتر من البطاطس والبطاطس ممكن تتهرى ومش هيكون ليها ملامح فى الاكل ونقلبهم سوا وتوابلى وبهارتى انا عن نفسى حطيت ملح وفلفل وبهارات لحمة وكده خلاص عقبال ماتستوى سلقت مكرونة عقل وشحت برده بصلة فى حلة تانية خالص ونزلت عليها بكام فلفلة خضر حلوين زيكم كده ولو فى الوان يبقى ياجماله طبعا بس انا ماكنش عندى وقتها عشان اصلا ماكنتش عارفةانى هعملها حاجة اصلا وننزل بالمكرونة ونطبط الملح والفلفل
عند التقسيد بئى غرقت طبق اللحمة ورشيت عليه شوية جبنة رومى مبشورة خلت طعمه حكاية وكذلك المكرونة لما غرفتها رشيت عليها رومى مبشورة مع السلطة والله كان اكلة جميلة جدا ولما زوجى داقها ماصدقش انى انا اللى عملها من دماغى مع اىن بخترع كتير والله وبعك اكتر اسيبكم مع اصور
ا
تفضلو كلوا وبلاش احنا
يالا اللى عجبيها الموضوع ترزعنى احلى تقييم واحلى دعوة انا ايدى وقفت من كتر الكتابة والا هحرمكم من باقى اخترعاتى
طبعا هتقوالو وماله مش عاوزين منها حاجة بس على مين انا وراكم وراكم
مواضيع هذا القسم برعاية
ام حمزه المصري ام حمزه المصري 811880_2.gif سوبر فتكات Fatakat 811880 اسكندريه – مصر